हॅलो महाराष्ट्र ऑनलाईन – अभिनेत्री लारा दत्ता ही लोकप्रिय बॉलिवूड अभिनेत्रींपैकी एक आहे. लारा दत्ताने तिच्या १९ वर्षाच्या सिनेसृष्टीच्या कारकिर्दीत सलमान खानपासून अक्षय कुमार गोविंदा यासह विविध अभिनेत्यांसोबत काम केले आहे. अलीकडेच लारा दत्ताने ओटीटीवर प्रदर्शित झालेल्या अक्षय कुमारच्या ‘बेलबॉटम’ चित्रपटात इंदिरा गांधी यांची भूमिका साकारली होती. यामुळे लारा दत्ता यांना या सर्व कलाकारांची गुपिते, त्यांच्या सवयी चांगल्या माहित आहेत.
लारा दत्ता सध्या तिच्या ‘कौन बनेगी शिखरवती’ या वेब शोमुळे मोठ्या प्रमाणात चर्चेत आली. नुकतेच त्यांनी एका वेबसाईटला दिलेल्या मुलाखतीत ‘कौन बनेगी शिखरवती’ हा वेब शो कशावर आधारित आहे? त्यात नवीन काय पाहायला मिळणार आहे? असे अनेक प्रश्न विचारण्यात आले. त्यांची त्याने अगदी दिलखुलासपणे उत्तरे दिली. या दरम्यान लारा दत्ताला ‘तू आतापर्यंत अनेक कलाकारांसोबत काम केले आहेस, मग त्यांच्या अशा कोणत्या सवयी आहेत, ज्या आतापर्यंत बदललेल्या नाहीत?’ असा प्रश्न विचारण्यात आला. त्याचे उत्तर देताना लारा दत्ताने सलमान खान आणि अक्षय कुमारबद्दल अनेक धक्कादायक खुलासे केले.
लारा दत्ताने सलमान खान बद्दल सांगितले कि, सलमान खान अजूनही मला मध्यरात्री फोन करतो. सलमानसोबत मी ‘नो एंट्री’, ‘पार्टनर’ यासारख्या अनेक चित्रपटात काम केले आहे. त्यामुळे जेव्हा सलमान उठतो, तेव्हाच त्याचे मला फोन येतात. तसेच अक्षय कुमारबद्दल सांगताना लारा म्हणाली, ‘तो अजूनही खूप लवकर उठतो’. लारा दत्ताने अक्षय कुमार सोबत ‘अंदाज’ या चित्रपटातून बॉलिवूडमध्ये पदार्पण केले. तेव्हापासून ते दोघेही एकमेकांचे चांगले मित्र आहेत. त्यानंतर आता लारा आणि अक्षय एकत्र ‘बेल बॉटम’ चित्रपटात दिसले होते. या चित्रपटात तिने माजी पंतप्रधान इंदिरा गांधींची भूमिका साकारली होती.