सोलापुरी हरबरा चटणी

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

जेवणाच्या ताटात चटणी असल्या शिवाय जेवण रुचकर वाटत नाही. जेवण चविष्ट बनण्यासाठी चटणी महत्वाची भूमिका बजावते. म्हणून चटण्यांचे वेग वेगळे प्रकार खवय्यांना आकर्षित करत असतात. म्हणूनच आम्ही आजची रेसिपी चटणीची निवडली आहे. चला तर बघुयात कशी बनवायची सोलापुरी हरबरा चटणी.

साहित्य –

१.हरबरा डाळ एक वाटी
२.कांदा अर्धा वाटी
३.धने पूड एक चमचा
४.चिरे एक चमचा
५.चिंचेचा कोळ एक मोठा चमचा
६.तेल एक चमचा
७.सोलापुरी लाल मिरचा पाच ते सात. (मिरच्या चवीनुसार वाढवाव्यात.)
८.चवी नुसार मीठ

कृती –

हरभरा डाळ सहा तास पाण्यात भिजवून घ्यावी. भिजवल्या नंतर सुती कापडावर पाच मिनिटं पसरवून ठेवा जेणेकरून डाळीतील पाणी निघून जाईल. त्या नंतर मिक्सरच्या भांड्यात बारीक चिरलेला कांदा, एक चमचा धने पूड, एक चमचा धने पूड, एक मोठा चमचा चिंचेचा कोळ, सात सोलापुरी लाल मिरच्या आणि चवीनुसार मीठ घ्यावे. सर्व साहित्य बारीक वाटल्या नंतर त्यात हरभऱ्याची डाळ घालून जाडसर वाटून घ्यावे. चटणी वाटीत काढून त्यात एक चमचा कच्चे तेल घालावे. चटणी पानात वाढण्यासाठी तयार.

Leave a Comment