मुंबई | मुंबई येथील कस्तुरबा रूग्णालयात LPGजी गॅस लिंक झाल्याने तात्काळ अग्निशामक दलाच्या 4 गाड्या घटनास्थळी दाखल झालेल्या आहेत. आज शनिवारी सकाळी 12 वाजण्याच्या सुमारास ही घटना घडली आहे. गॅस गळतीच्या घटनेमुळे रूग्णालयात एकच धावपळ रूग्णांनी व नातेवाईंकाची सुरू झाली होती.
दक्षिण मुंबईतील चिंचपोकळी परिसरातील कस्तुरबा रुग्णालयात ही घटना झाल्याची माहिती मिळताच फायरबिग्रेडने घटनास्थळी धाव घेतली. अग्निशमन दलाच्या 4 गाड्या आणि 3 वॉटर टँकर घटनास्थळी दाखल झाले होते. घटनेची माहिती मिळताच तातडीने रुग्णालयातील रुग्णांना बाहेर काढलं गेले आहे. गॅसगळती मोठ्या प्रमाणात नसल्याचे माहिती मिळाली आहे.
कस्तुरबा रूग्णालयात झालेली गॅसगळती मोठी नसल्याने कोणताही अनुचित प्रकार घडलेला नाही. मात्र खबरदारी म्हणून रूग्णालय व्यवस्थापनाने रूग्णांना सुरक्षित ठिकाणी हलविले आहे. तर अग्निशामद दलाच्या गाड्या रुग्णालय परिसरात थांबविण्यात आलेल्या आहेत.