शरद पवारांनी मला कळकळून मिठी मारली आणि सांगीतलं तुम्ही आमचेच आहात – उदयनराजे भोसले

सातारा | खासदार उदयनराजे भोसले आणि राष्ट्रवादीचे अध्यक्ष शरद पवार यांची आज सातारा येथे बैठक झाली. यावेळी ‘शरद पवारांनी मला कळकळून मिठी मारली आणि तुम्ही आमचेच आहात असे सांगीतल्याचे उदयराजे भोसले यांनी पत्रकारांशी बोलताना सांगीतले.

मागील काही दिवसांपासून उदयनराजे भोसले आणि सातारा जिल्ह्यातील राष्ट्रवादी काँग्रेसचे आमदार यांच्या अंतर्गत वाद उफाळल्याची चर्चा होती. रामराजे नाईक निंबाळकर आणि उदयनराजे यांच्यातील वाद तर हमरातूमरीवर आला असताना उदयनराजे २०१९ ची लोकसभा निवडणूक राष्ट्रवादीच्या तिकिटावर लढवणार की दुसरा अन्य पर्याय निवडणार असा प्रश्न निर्मान झाला होता. परंतू आजच्या शरद पवार यांच्यासोबतच्या बैठकीनंतर उदयनराजे राष्ट्रवादी सोबतच राहतील असे दिसत आहे.

“शरद पवार यांच्या इतका मोठा नेता दुसरा नाही. आपल्या सर्वांना लाजवेल एवढी ते धावपळ करत असतात.” असे म्हणुन उदयराजेंनी पवारांविषयी गौरोद्गार काढले. त्याचबरोबर आपण अशा मोठ्या माणसाविषयी काय बोलणार असे म्हणून ‘फक्त फसवाफसवी करु नका, नाहीतर आपल्याला पण कळतं’ असे म्हणून शरद पवारांना टोला मारला आहे.

इतर महत्वाचे –

जेव्हा शरद पवारांचे नातू रोहित पवार धारावीत जातात…

दादा कोंडके आणि शिवसेना प्रमुख बाळासाहेब ठाकरे यांच्यातला याराना तुम्हाला माहीती आहे का?

[youtube https://www.youtube.com/watch?v=oEl0VuCJijc&w=560&h=315]