सांगली प्रतिनिधी | प्रथमेश गोंधळे
डफळापूर जवळील चेकपोस्टवर पोलिसांसोबत नाकाबंदीच्या ठिकाणी मदतीस म्हणून ड्युटीवर असलेल्या शिक्षकाला चेकपोस्टवरून पळालेल्या भरधाव ट्रक चालकाने अंगावर ट्रक घालून चिरडले. त्यात मदतनीस शिक्षक जागीच ठार झाला. ही दुर्दैवी घटना डफळापूर स्टँड नजिक मंगळवारी पहाटे तीनच्या सुमारास घडली.
नानासाहेब कोरे असे ठार झालेल्या शिक्षकांचे नाव आहे. सदरचे शिक्षक हे कोळी वस्ती येथे जिल्हा परिषद मराठी शाळेत शिक्षक म्हणून नोकरीस होते. या दुर्घटनेत संजय बसगौंडा चौगुले हा थोडक्यात बचावला आहे.
शिंगणापूर नजिकच्या तपासणी नाक्यावर कोरे हे शिक्षक नियंत्रण कर्मचारी म्हणून कर्तव्य बजावत होते.सोमवारी रात्रीच्या ड्युटीवर होते.याचवेळी रात्री तीनच्या सुमारास सीमेंट भरलेला ट्रक कर्नाटक राज्यातून अथणी तालुका येथून जतकडे निघाला होता.दरम्यान त्या ठिकाणी डयुटीवर असणारे शिक्षक नानासो कोरे यांनी ट्रकला थांबण्याचा ईशारा केला मात्र ट्रक चालकाने ट्रक थांबवला नाही उलट कोरे यांना शिवीगाळ करुन तेथुन निघुन गेला.
त्यास परत थांबविण्यासाठी चौगुले व कोरे यांनी ट्रकचा डफळापूर पर्यंत पाठलाग केला.त्यांनी त्याची गाडी ट्रकच्या पुढे काढली. गाडी बाजुला लावुन परत ट्रक थांबवण्यास सांगितले असता, ट्रक चालकाने ट्रक न थांबवता शिक्षक कोरे याना ट्रकने उडवुन दिले. यात कोरे जागीच ठार झाले.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.