औरंगाबाद प्रतिनिधी | कोरोनाचा संसर्ग झालेले दोन कैदी किलेअर्क शासकीय वसतिगृह येथील कोविड सेंटरमधून रविवारी रात्री पावणेअकरा वाजेच्या सुमारास पळून जाण्यात यशस्वी झाले. अक्रम खान गयास खान (रा. जटवाडा) व सय्यद सैफ सय्यद असद अशी पळून गेलेल्या कैद्यांची नावे आहेत.
हर्सूल मध्यवर्ती कारागृहातील २९ कैद्यांना कोरोनाची लागन झाल्याचे शनिवारी उघड झाले होते. कारागृहातील अन्य कैद्यांना कोरोनाचा संसर्ग होऊ नये म्हणून त्यांना कित्लेअर्क येथील शासकीय वसतिगृहात उभारण्यात आलेल्या कोचिड सेंटरमध्ये २९ कैद्यांना ठेवण्यात आले होते. त्यांच्यावर उपचार सुरु असताना रविवारी रात्री पावणेअकराच्या सुमारास शौचालयाचा बहाणा करून अक्रम खान गयास खान आणि नेहरूनगरातील सय्यद सैफ सय्यद असद या दोघांनी बाथरूमच्या खिडकीच्या काचा फोडून बेडशीट च्या साहाय्याने खाली उतरत पलायन केले.
या प्रकरणी बेगमपुरा पोलीस ठाण्यात गुन्हा दाखल करण्यात आला आहे. कोरोना संक्रमित कैदींच्या पलायनाच्या बातमीने नागरिकांत एकच खळबळ उडाली असून पोलिस पसार झालेल्या कैद्यांचा शोध घेत आहेत.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.