मुंबई । आठवड्याच्या शेवटच्या व्यापारी दिवशी भारतीय शेअर बाजार ग्रीन मार्कवर बंद झाले. मात्र, दिवसभर बाजार अस्थिर राहिला. बहुतांश वेळा बाजार रेड मार्कवर राहिला. पण बंद होण्याच्या शेवटच्या क्षणी बाजारात खरेदी झाली. सेन्सेक्स 54.81 अंक किंवा 0.09 टक्क्यांच्या वाढीसह 58,305.07 वर बंद झाला. दुसरीकडे, निफ्टी 15.75 अंक किंवा 0.09 टक्क्यांच्या वाढीसह 17,369.25 वर बंद झाला.
बाजारात 200 शेअर्स मध्ये वाढ
BSE मध्ये सुमारे 200 शेअर्स त्यांच्या 52-आठवड्यांच्या उच्चांकावर ट्रेड करत आहेत. यामध्ये प्रामुख्याने APL Apollo Tubs, Abbott India, Concor, Dish TV India, Info Edge, Oil India, Voltas and Zensar Technologies यांचा समावेश आहे.
आज एअरटेलने मजबूत वाढ पाहिली. दुसरीकडे, रेन इंडस्ट्रीजचा स्टॉक गुरुवारी सुमारे 7 टक्क्यांनी वाढला. हा कमोडिटी स्टॉक 1.55 रुपये प्रति शेअरच्या वाढीसह उघडला आणि इंट्रा डेमध्ये 249.30 रुपयांच्या उच्चांकावर गेला. बुधवारी रेन इंडस्ट्रीजचा स्टॉक 229.25 रुपयांवर बंद झाला.
बाजारातील तज्ञांचे म्हणणे आहे की, रेन इंडस्ट्रीजचा स्टॉक वाढण्याची दोन कारणे आहेत. पहिले अमेरिकेत कंपनीचे प्लांट उघडणे आणि दुसरे म्हणजे एल्युमिनियमच्या जागतिक किमती विक्रमी उच्चांकावर पोहोचणे.
Future-Reliance Retail Deal: SC ने दिल्ली उच्च न्यायालयातील सर्व सुनावणी स्थगित केली
Future ग्रुपला मोठा दिलासा देताना, सर्वोच्च न्यायालयाने (SC) फ्युचर-रिलायन्स रिटेल मर्जर डीलशी संबंधित प्रकरणात दिल्ली उच्च न्यायालयातील सर्व सुनावणींना गुरुवारी स्थगिती दिली. सर्वोच्च न्यायालयाने एनसीएलटी, सेबी आणि सीसीआयला या प्रकरणाशी संबंधित कोणताही अंतिम आदेश चार आठवडे पास करू नये असे सांगितले आहे.
दिल्ली उच्च न्यायालयाच्या आदेशाविरोधात फ्युचर कूपन्स प्रायव्हेट लिमिटेड आणि फ्यूचर रिटेल लिमिटेड यांनी दाखल केलेल्या विशेष रजेच्या याचिकेत सीजेआय एनव्ही रमण, न्यायमूर्ती सूर्यकांत आणि एएस बोपन्ना यांच्या खंडपीठाने हा आदेश मंजूर केला.