आज सेन्सेक्स जवळपास 900 अंकांनी वाढला, यामागील कारण जाणून घ्या

नवी दिल्ली । भारतीय शेअर बाजारांमध्ये मंगळवार हा दिवस मंगलमय होता. अनेक दिवसांपासून सुरू असलेल्या घसरणीनंतर भारतीय बाजारांमध्ये लक्षणीय उसळी पाहायला मिळाली. 886 अंकांच्या वाढीसह सेन्सेक्स 57,633 वर बंद झाला तर निफ्टी 1.56% च्या उसळीसह 17,176 वर बंद झाला. बीएसई मिडकॅप आणि स्मॉलकॅपमध्ये सुमारे एक टक्क्यांची वाढ झाली.

बाजारातील तज्ज्ञांचे म्हणणे आहे की, जागतिक स्तरावर कोरोनाव्हायरसच्या नवीन व्हेरिएंट Omicron बद्दलची चिंता थोडी कमी झाली आहे. आता असे मानले जात आहे की, हा विषाणू पूर्वीपेक्षा जास्त प्राणघातक नाही. त्यामुळे जागतिक बाजारपेठेत तेजी आली असून, परिणामी भारतीय बाजारपेठेतही खरेदीला वेग आला आहे.

Omicron बद्दलची चिंता कमी झाली
जिओजित फायनान्शिअल सर्व्हिसेसचे संशोधन प्रमुख विनोद नायर या वाढीबद्दल सांगतात की, देशांतर्गत शेअर बाजारात मोठ्या प्रमाणावर खरेदी झाल्यामुळे रिकव्हरी दिसून आली आहे. जागतिक बाजारपेठेत देखील पॉझिटिव्ह ट्रेडिंग झाले आहे, कारण कोरोनाव्हायरसच्या Omicron व्हेरिएंटबद्दलची चिंता कमी झाली आहे.

उद्या येणार आहे RBI ची पॉलिसी
यासोबतच चीनच्या सेंट्रल बँकेने धोरण शिथिल केल्यामुळे चीनच्या बाजारात तेजी दिसून आली. RBI च्या चलनविषयक धोरण समितीने (MPC) काल धोरणात्मक निर्णय जाहीर केल्याने भारतीय बाजारात, बँकिंग आणि फायनान्सिंग शेअर्समध्ये वाढ दिसून आली. अल्पावधीतील अनिश्चितता पाहता RBI च्या पॉलिसीमध्ये कोणताही बदल होण्याची शक्यता नसल्याचे मानले जात आहे.

व्हाईट हाऊसच्या मुख्य वैद्यकीय सल्लागाराने कोरोनाच्या नवीन व्हेरिएंटबद्दल स्टेटमेंट दिल्यानंतर वॉल स्ट्रीटला तेजी दिसली. मुख्य वैद्यकीय सल्लागार म्हणाले होते की,”नवीन व्हेरिएंट फारसा मारक नाही. या स्टेटमेंटनंतर, वॉल स्ट्रीटचा बेंचमार्क S&P 500 इंडेक्स 1.2 टक्क्यांनी वाढला.”