नवी दिल्ली । देशातील आघाडीची कार निर्माता कंपनी असलेली Maruti Suzuki India पुन्हा किंमत वाढवू शकते. वास्तविक, कंपनीचे लक्ष कमोडिटीजच्या किमतीवर (Commodity Prices) असते. याच्या आधारे कंपनी आपल्या कारची किंमत (Cars Prices) येत्या काळात ठरवणार आहे. आर्थिक वर्ष 2021-22 च्या दुसऱ्या तिमाहीत कमोडिटीजच्या किमतीत लक्षणीय वाढ झाली आहे. तरीही, कंपनीने अद्याप या वाढीचा भार ग्राहकांवर टाकलेला नाही.
मारुती सुझुकी इंडियाचे वरिष्ठ कार्यकारी संचालक (मार्केटिंग अँड सेल्स) शशांक श्रीवास्तव यांनी सांगितले की,”दुसऱ्या तिमाहीत खर्च (Cost) ते निव्वळ विक्री (Net Sales) गुणोत्तर 80.5 टक्क्यांच्या पातळीवर पोहोचले आहे. खर्चाच्या दृष्टीने ही खूप उच्च पातळी आहे. कमोडिटीच्या किमती आणखी घसरतील अशी कंपनीची अपेक्षा आहे. अनेक कमोडिटीजच्या किमतींनी आतापर्यंतचा उच्चांक (All-time High) गाठला आहे. त्यामुळे त्याच्या किमती खाली येण्याची अपेक्षा आहे.”
कमोडिटीजच्या किमतीवर गाड्यांच्या किमती ठरवल्या जातील
शशांक श्रीवास्तव म्हणाले की,”ओरिजनल इक्‍वीपमेंट मॅन्‍युफॅक्‍चरर्स (OEM) साठी कमोडिटीजची किंमत अत्यंत महत्त्वाची आहे. OEM च्या एकूण किमतीच्या साधारणपणे 70 ते 75 टक्के सामग्रीचा वाटा असतो.” कंपनीच्या वाहनांच्या किमतीत झालेल्या वाढीबाबत श्रीवास्तव म्हणाले की,”त्यावर बारकाईने लक्ष ठेवले जात आहे. कमोडिटीजच्या किमती वाढवण्याचा बोझा अद्यापही कंपनीने ग्राहकांवर टाकलेला नाही.” ते म्हणाले की,”कंपनीने सप्टेंबर 2021 च्या सुरुवातीला आपल्या वाहनांच्या किमती 1.9 टक्क्यांनी वाढवल्या होत्या. आता दर निश्चित करण्यासाठी कमोडिटीजच्या किमतींवर लक्ष ठेवणे आवश्यक आहे.”
‘OEM चा परिणाम एका तिमाहीनंतर दिसून येतो’
मारुती सुझुकी इंडियाने सांगितले की,”पहिल्या तिमाहीत कमोडिटीच्या किमती उच्च पातळीवर होत्या. मारुती सुझुकी सारख्या OEM वर त्याचा परिणाम एका तिमाहीनंतर दिसून येतो.” त्याचा परिणाम दुसऱ्या तिमाहीत मारुती सुझुकीवर अधिक झाल्याचे श्रीवास्तव यांनी सांगितले. गेल्या वर्षभरात कमोडिटीच्या किमती झपाट्याने वाढल्या आहेत. स्टीलचे दर प्रतिकिलो 38 रुपयांवरून 72 रुपयांवर पोहोचले आहेत. मात्र, त्यात आता थोडीशी घट झाली आहे. याशिवाय, तांबे प्रति टन $5,200 वरून $10,400 वर पोहोचले आहे. इतर धातूंच्या किमतीही पूर्वीच्या तुलनेत दोन ते तीन पटीने वाढल्या आहेत.