रत्नागिरी : हॅलो महाराष्ट्र – रत्नागिरीमध्ये एका अल्पवयीन मुलीला सोशल मीडियावरील मैत्री चांगलीच महागात पडली आहे. यामध्ये सोशल मीडियावरून ओळख झालेल्या मित्राने या मुलीवर लैंगिक अत्याचार केले आहेत. या प्रकरणी पीडित मुलीने शहर पोलिसांत तक्रार दाखल केली. यानंतर पोलिसांनी या तरुणाविरोधात गुन्हा दाखल करून त्याला अटक केली.
काय आहे नेमके प्रकरण
पीडित मुलीची आणि आरोपी तरुणाची काही दिवसांपूर्वी सोशल मीडियाच्या माध्यमातून ओळख झाली होती. यानंतर या तरुणाने तिच्याशी मैत्री केली. यानंतर हळूहळू हि मैत्री फुलत गेली आणि हे दोघे एकमेकांच्या प्रेमात पडले. यानंतर या तरुणाने लग्नाच्या भूलथापा देऊन तिच्यावर अनेकवेळा लैंगिक अत्याचार केले. मागच्या चार महिन्यांपासून हा संतापजनक प्रकार सुरू होता. हा तरुण पीडित तरुणीला धमकी देऊन मारहाणसुद्धा करत होता.
पीडितेने दाखल केलेल्या तक्रारीनंतर राजीवडा येथील 20 वर्षीय तरूणाला पोलिसांनी अटक केली. रत्नागिरी शहर पोलिसांनी त्याच्याविरोधात विविध कालमाअंतर्गत गुन्हा दाखल करून त्याला कोर्टात हजर करण्यात आले. यानंतर कोर्टाने या आरोपी तरुणाला तीन दिवसांची पोलीस कोठडी सुनावली आहे. या तरुणाने सप्टेंबर 2021 ते 5 जानेवारी 2022 या कालावधीत पीडित तरुणीवर अनेकदा लैंगिक अत्याचार केले होते. रत्नागिरी शहर पोलिस या प्रकरणाचा अधिक तपास करत आहेत.