सातारा प्रतिनीधी । कोरोनाच्या संकटामुळं राज्यभरात लॉकडाऊन लागू आहे. तसेच जिल्ह्याच्या सीमा सील आहेत. अशा वेळी राज्यातील अनेक भागातून शहरात कामानिमित्ताने असलेले लोक मुंबई, पुण्यासारख्या शहरात अडकून पडले आहेत. लॉकडाउनमुळे काम बंद आहे त्यामुळं राहण्याचे आणि जेवणाचे त्यांचे हाल होत आहेत. म्हणूनच मुंबईत अडकून असलेल्या सातारा व जावळी मतदार संघातील लोकांना त्याच्या मुळगावी परतण्याची परवानगी द्यावी अशी विनंती आमदार शिवेंद्रराजे भोसले यांनी मुख्यमंत्री उद्धव ठाकरे यांना पत्रातून केली आहे.
आमदार शिवेंद्रराजे भोसले यांनी लिहीलेल्या पत्रामध्ये म्हटले आहे की, सध्या कोरोनाच्या साथीमुळे जनजीवन विस्कळीत झालेले आहे. मुबंईमधील परिस्थिती अधिक बिकट व गंभीर होत चालेली आहे. अशा वेळी मतदारसंघातील सातारा व जावळी तालुक्यांतील असंख्य लोक माथाडी नोकरीनिमीत्त वाशी, कोपरखैराणे, ठाणे, घाटकोपर आदी ठीकाणी वास्तव्यास आहेत.कोरोनाचा वाढता प्रादुर्भाव पाहता या सर्व लोकांना त्याच्या छोट्याशा खोल्यामध्ये राहणे अवघड आणि धोकादायक आहे. त्यामुळे अशा लोकांना आपल्या गावी परत जाण्याची मागणी एक लोकप्रतिनीधी म्हणून करत असल्याचे मुख्यमंत्र्यांना लिहलेल्या पत्रात आमदार शिवेंद्रराजे भोसले यांनी केली आहे.
येत्या ३ मे रोजी लाॅकडाऊन संपणार आहे. मतदारसंघातील मुंबईत अडकून पडलेल्या लोकांची अडचण समजून घ्यावी. तसेच या सर्व लोकांना योग्य ती तपासणी करुन त्यांना त्यांच्या मुळ गावी परतण्याची परवानगी देण्यात द्यावी. मात्र, हे करत असताना त्यांना सेल्फ काॅरनटाईन होण्याच्या सुचना देऊन सर्व प्रकारच्या खबरदारी घेण्याच्या हमीवरच मुबईहून त्यांना आपल्या घरी सोडावं असंही शिवेंद्रराजेंनी मुख्यमंत्र्यांना म्हटलं आहे. दरम्यान, त्यांना घरी जाण्याची परवानगी दिल्यास ही लोक स्व:ताच्या वाहनाने गावी परतणार असल्याने त्यांना शासनाकडून वाहन पुरवण्याची गरज नाही असं शिवेंद्रराजेंनी पत्रात नमूद केलं आहे. तेव्हा कोरोनामुळं निर्माण झालेल्या गंभीर परिस्थितीत, लोकांच्या सुरक्षिततेसाठी आपल्या मागणीवर तातडीने कार्यवाही व्हावी अशी विनंती शिवेंद्रसिहराजे भोसले यांनी मुख्यमंत्री उद्धव ठाकरेंना केली आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”