सामूहिक बलात्कारानंतर महिलेची हत्या,’कंडोम’च्या मदतीने पोलिसांनी केली गुन्ह्याची उकल

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

नवी दिल्ली : वृत्तसंस्था – मध्य प्रदेशमधील भिंड येथील पोलिसांना बलात्कार आणि हत्या प्रकरणाची उकल करण्यात यश आले आहे. या पोलिसांनी कंडोमच्या मदतीने आरोपींना शोधून काढून त्यांना अटक केली आहे. कैमोखरी गावातील एका महिलेवर बलात्कार करून तिची हत्या करण्यात आली होती. यानंतर महिलेचा मृतदेह एका पोत्यात घालून खड्ड्यात फेकून देण्यात आला होता. 17 जून रोजी या महिलेचा मृतदेह आढळून आला होता.

याची माहिती पोलिसांना मिळताच त्यांनी घटनास्थळी धाव घेतली आहे. हा मृतदेह सडलेल्या अवस्थेमध्ये आढळून आला होता. पोलिसांनी चौकशी सुरू केली आणि अज्ञात लोकांविरुद्ध हत्या व बलात्काराचा गुन्हा दाखल केला. मात्र मृत महिलेची ओळख पटली नसल्याने आरोपींपर्यंत कसे पोहोचावे हा सवाल पोलिसांपुढे होता. ज्या ठिकाणी या महिलेचा मृतदेह सापडला त्या ठिकाणी एक कंडोम आढळून आला होता.

यानंतर पोलिसांनी या कंडोम’च्या मदतीने पुढील तपास सुरु केला. यानंतर त्या कंडोमच्या बॅचवरून ते सरकारी रुग्णालयातून परिवार नियोजनासाठी वाटण्यात आल्याचे समोर आले.अधिक चौकशीनंतर पोलिसांना महिलेची ओळख पटवण्यात यश आले. या महिलेच्या पतीचा मृत्यू झाल्याची माहिती नातेवाईकांनी पोलिसांना दिली. तसेच या महिलेच्या नातेवाईकांनी श्याम नावाच्या एका तरुणावर हत्येचा संशय व्यक्त केला. पोलिसांनी श्यामला ताब्यात घेऊन त्याची चौकशी केली असता त्याने आपला गुन्हा कबुल केला. यानंतर पोलिसांनी त्याचे साथीदार अंकित आणि विक्की यांनाही अटक केली. तसेच या गुन्ह्यामध्ये वापरण्यात आलेली दुचाकीसुद्धा जप्त करण्यात आली आहे.

Leave a Comment