मुंबई-गोवा क्रूझवरील कर्मचाऱ्याला कोरोना, 2 हजार प्रवासी अडकले

हॅलो महाराष्ट्र ऑनलाईन । मुंबईत कोरोनाचा झपाट्याने प्रसार होत असल्याने प्रशासनाच्या वतीने सात दिवसांची संचारबंदी लावण्यात आली आहे. या दरम्यान मुंबई-गोवा कॉर्डेलिया क्रूझवर एका क्रू मेंबरला कोरोनाची लागण झाल्यानंतर 2 हजाराहून अधिक प्रवाशांना क्रुझवरच थांबवण्यात आले आहे. सर्व प्रवाशांना त्यांच्या कोरोना चाचणीचे अहवाल येईपर्यंत क्रूझवरच राहण्यास अधिकाऱ्यांनी सांगितले असल्याने ते त्याठिकाणी अडकून पडले आहेत.

मुंबईहून हि शिप निघाली होती. ती गोव्यातील मुरगाव क्रूझ टर्मिनलवर उतरली होती. शिपवर असलेल्या क्रू मेंबरला कोरोनाची लागण झाल्यानंतर आरोग्य अधिकाऱ्यांकडून क्रूझवरील सर्व दोन हजार प्रवाशांची कोरोना चाचणी घेण्याचे काम केले जात आहेत. कोरोना झालेल्या क्रू मेंबरला आयसोलेशनमध्ये ठेवण्यात आले आहे. रॅपिड अँटिजन टेस्टमध्ये संबंधित क्रू कोरोना पॉझिटिव्ह आढळला होता.

दरम्यान आरोग्य अधिकाऱ्यांनी दोन हजाराहून अधिक संख्येत असलेल्या प्रवाशांना त्यांच्या कोरोना चाचणीचे अहवाल येईपर्यंत क्रूझवरच राहण्यास सांगितले आहे. या क्रूझ जहाजाच्या चालकांना वास्कोस्थित साळगावकर मेडिकल रिसर्च सेंटर या हॉस्पिटलमधून सर्व प्रवाशांच्या कोव्हिड-19 चाचण्या घेण्यास सांगण्यात आले आहे.