नवी दिल्ली । राष्ट्रिय महिला आयोगाच्या अध्यक्ष पदी रेखा शर्मा यांची केंद्र सरकारने नियुक्ती केली आहे. ललिता कुमारमंगलम् बिर्ला ह्या २०१७ मध्ये पदमुक्त झाल्यात त्यानंतर प्रभारी अध्यक्षा म्हणून शर्मा काम पाहत होत्या.
महिला आयोगाच्या सदस्य असल्यापासून त्यांनी महिलांच्या न्याय हक्कांसाठी प्रयत्न केले आहेत. त्या मूळच्या हरियाणा मधील पंचकुला जिल्ह्यातील आहेत. सामाजिक कार्यकर्त्ता ते बीजेपी नेत्या असा त्यांचा प्रवास राहिला आहे. आता पूर्णवेळ अध्यक्षा म्हणून त्या महिला आयोगाचे कामकाज पाहतील.