हॅलो महाराष्ट्र ऑनलाइन | भाजप नेते किरीट सोमय्या यांचा मुलगा नील सोमय्या यांचा अटकपूर्व जामीन अर्ज मुंबई सत्र न्यायालयाने फेटाळला आहे. किरीट सोमय्या यांच्यासाठी हा मोठा धक्का मानला जात असून निल सोमय्या यांच्या अटकेची शक्यता वर्तवली जात आहे.
शिवसेना नेते आणि खासदार संजय राऊत यांनी किरिटी सोमय्या आणि नील सोमय्या यांच्यावर यांच्यावर गंभीर आरोप करत, बाप बेटे दोनो जेल में जाएंगे असं वक्तव्य केलं होतं. तसंच नील सोमय्याचे पीएमसी बँक घोटाळ्याली प्रमुख आरोप राकेश वाधवान याच्याशी संबंध असल्याचा आरोपही केला होता. पीएमसी बँक घोटाळ्याली पैसा नील सोमय्यांनी एका प्रकल्पात गुंतवल्याचा आरोपही संजय राऊत यानी केला होता.
यानंतर नील सोमय्या यांनी अटकपूर्व जामिनासाठी मुंबई सत्र न्यायालयात धाव घेतली होती. नील सोमय्या यांच्या अटकपूर्व जामिनावार सुनावणी पूर्ण झाली आहे. अखेर आज न्यायालयाने निर्णय देत नील सोमय्या यांचा अटकपूर्व जामीन फेटाळला आहे. सोमय्या कुटुंबासाठी हा खूप मोठा धक्का आहे.