New IT Rules : नवीन आयटी नियमांनुसार ट्विटरने नियुक्त केले कंप्लायन्स अधिकारी

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

नवी दिल्ली । केंद्र सरकारने शुक्रवारी दिल्ली उच्च न्यायालयाला माहिती दिली की,”मायक्रो-ब्लॉगिंग प्लॅटफॉर्म ट्विटरने नवीन आयटी नियमांनुसार मुख्य अनुपालन अधिकारी, निवासी तक्रार अधिकारी (RGO) आणि नोडल अधिकारी यांची नियुक्ती केली आहे.”

इलेक्ट्रॉनिक्स आणि आयटी मंत्रालयाने दिल्ली उच्च न्यायालयाला दिलेल्या प्रतिज्ञापत्रात म्हटले आहे की, “ट्विटरने असे म्हटले आहे की, या कर्मचाऱ्यांना (CCO, नोडल अधिकारी आणि RGO) कंपनीचे कर्मचारी म्हणून नियुक्त केले गेले आहे, अनौपचारिक कर्मचारी म्हणून नाही.”

आयटी मंत्रालयाने म्हटले आहे की,”ट्विटरने या अधिकाऱ्यांची नावे आणि त्यांच्या पदांची माहिती दिली आहे. 4 ऑगस्ट 2021 रोजी त्यांची नोकरी सुरू झाल्याचे प्रतिज्ञापत्रात म्हटले आहे. विशेष म्हणजे जुलैमध्ये दिल्ली उच्च न्यायालयाने नवीन आयटी नियमांचे पालन करण्याची शेवटची संधी म्हणून ट्विटरला एक आठवड्याची मुदत दिली होती.

25 मे पासून नवीन आयटी नियम अस्तित्वात आले
नवीन नियम 25 मे पासून लागू झाले आहेत. या अंतर्गत, सोशल मीडिया कंपन्यांना युझर्सच्या तक्रारींचे निवारण करण्यासाठी तक्रार निवारण यंत्रणा उभारणे बंधनकारक आहे. अशा सर्व सोशल मीडिया कंपन्यांसाठी ज्यांच्या युझर्सची संख्या 50 लाखांपेक्षा जास्त आहे, त्यांना तक्रार अधिकारी नेमणे बंधनकारक आहे. याशिवाय या कंपन्यांना मुख्य अनुपालन अधिकारी आणि नोडल संपर्क व्यक्तीची नेमणूक करावी लागेल.

Leave a Comment