हॅलो महाराष्ट्र ऑनलाईन । शिवसेना कार्यकर्ते संतोष परब हल्ला प्रकरणी भाजप आमदार नितेश राणे आज झाले. त्यानंतर त्यांना न्यायालयीन कोठडी सुनावली. मात्र, यावर सरकारी पक्ष तसेच नितेश राणे यांचे वकील या दोघांच्यात युक्तिवाद करण्यात आला. युक्तिवादानंतर नितेश राणे यांना पोलीस कोठडी सुनावण्यात आली. दोन दिवसांची 4 फेब्रुवारीपर्यंत पोलीस कोठडी सुनावण्यात आल्याने हा राणे कुटूंबासाठी धक्का मानला जात आहे.
नितेश राणे आज न्यायालयात हजर झाल्यानंतर त्यांना सुरुवातीला न्यायालयाच्यावतीने न्यायालयीन कोठडी सुनावण्यात आली. मात्र, सरकारी पक्षाकडून नितेश राणे यांची 5 तर पोलिसांकडून 10 दिवसांची पोलीस कोठडी मागणी करण्यात आली. त्यामुळे नितेश राणे यांना जामीन मिळणार की नाही याबाबत प्रश्न निर्माण झाला होता. अखेर न्यायालयाने निर्णय देत नितेश राणे यांना दोन दिवसांची पोलीस कोठडी सुनावली.
भाजप आमदार नितेश राणे यांना कोर्टाने दोन दिवसांची पोलीस कोठडी सुनावल्यामुळे त्यांना आता 4 फेब्रुवारीपर्यंत पोलीस कोठडीत राहावे लागणार आहे. त्यामुळे नितेश राणे यांच्या संतोष परब हल्ला प्रकरणात अडचणी वाढल्या आहेत. राकेश परब यांनाही 4 फेब्रुवारीपर्यंत पोलिस कोठडी देण्यात आली आहे. नितेश राणेंना संतोष परब हल्लाप्रकरणी न्यायालयाने यापूर्वीच जामीन अर्ज फेटाळला होता. त्यानंतर सर्वोच्च न्यायालयाच्या आदेशानुसार दिवाणी न्यायालयात नितेश राणे शरण गेले. त्यानंतर याप्रकरणी युक्तिवाद झाला. त्यानंतर न्यायालयाने निर्णय सुनावल्यानंतर राणेंना पोलिसांनी कणकवली पोलिस स्टेशनमध्ये नेण्यात आले आहे. आता पोलिस कोठडीत त्यांची कसून चौकशी केली जाणार आहे.