नवी दिल्ली । जसजसे वय वाढत जाते तसतसे शरीराचा आधार कमी होतो. उत्पन्नही कमी होते. अशा वेळी तारुण्यातच वृद्धापकाळासाठी आधार तयार करण्याची गरज आहे. नोकरदार लोकांसाठी, विशेषत: सरकारी कर्मचार्‍यांसाठी, पेन्शन हा वृद्धापकाळाचा आधार आहे, मात्र लहान व्यवसाय करणाऱ्यांना ही सुविधा नाही. जोपर्यंत हात पाय हलतात तोपर्यंत ते भरपूर कमावतात. मात्र म्हातारपणात ते पूर्णपणे असहाय्य होतात. केंद्र सरकारनेही या वर्गासाठी अनेक योजना सुरू केल्या आहेत.
राष्ट्रीय पेन्शन योजना म्हणजेच एनपीएस-ट्रेडर्स ही केंद्र सरकारची योजना आहे. व्यापारी वर्गातील लोकांना पेन्शन मिळावी या उद्देशाने ही योजना सुरू करण्यात आली आहे. या योजनेमुळे व्यावसायिकांनाही त्यांच्या वृद्धापकाळात पेन्शन सुविधेचा लाभ घेता येईल.
सरकार वेळोवेळी या योजनेबाबत लोकांना जागरूक करत असते. सामाजिक सुरक्षा संस्था कामगार कल्याण महासंचालनालय (DGLW) ने सोशल मीडियावर NPS बद्दल माहिती शेअर केली आहे. मंत्रालयाने एका ट्विटमध्ये लिहिले आहे की, “भारत सरकार व्यापार्‍यांचा देखील विचार करते, स्वयंरोजगारांना देखील राष्ट्रीय पेन्शन योजनेंतर्गत पेन्शन मिळेल, आपला वृद्धापकाळ आज NPS ट्रेडर्ससोबत सुरक्षित करा. अधिक माहितीसाठी http://maandhan.in ला भेट द्या किंवा हेल्पलाइन क्रमांक 14434 वर कॉल करा.
राष्ट्रीय पेन्शन योजनेचे फायदे
राष्ट्रीय पेन्शन योजनेचा लाभ घ्यायचा असेल तर काही महत्त्वाच्या अटींची पूर्तता करावी लागेल. या योजनेसाठी अर्ज करण्याचे वय 18 ते 40 वर्षे आहे. छोट्या व्यावसायिकांसाठी ही योजना सुरू करण्यात आली आहे. मात्र जर व्यावसायिक इन्कम टॅक्स जमा करत असेल तर त्याला या योजनेसाठी अर्ज करता येणार नाही. केवळ तोच व्यापारी या योजनेत सामील होऊ शकतो, जो इन्कम टॅक्स देत नाही.
यासाठी अर्ज कसा करावा ?
राष्ट्रीय पेन्शन योजना – ट्रेडर्ससाठी, तुम्ही तुमच्या जवळच्या सार्वजनिक सेवा केंद्राला भेट देऊन योजनेसाठी अर्ज करू शकता. अर्ज करण्यासाठी आधार कार्ड आणि बचत खाते किंवा जन धन खात्याची माहिती द्यावी लागेल. राष्ट्रीय पेन्शन योजनेत व्यावसायिकाला दरमहा 55 ते 200 रुपयांपर्यंत योगदान द्यावे लागेल.
या योजनेसाठी ऑनलाइनही अर्ज करता येतो. यासाठी तुम्हाला http://www.maandhan.in ला भेट द्यावी लागेल.