फलटण | फलटण तालुक्यातील निलेश हिरालाल चव्हाण ऊर्फ (निल्या मच्छली) याचा निर्घृण खून झाल्याची घटना घडली आहे. तर त्याचा मित्र भरत फडतरे याला गंभीर मारहाण करण्यात आली आहे.
याबाबत फलटण शहर पोलीस ठाण्यात मिळालेली अधिक माहिती अशी की, काल बुधवार दिनांक 12 जानेवारी रोजी दुपारी पावणे चार वाजण्याच्या सुमारास फलटण शहरातील शंकर मार्केट येथे टोपी चौकात निल्या चव्हाण व त्याचा मित्र भरत फडतरे घटनास्थळी होते. त्या दरम्यान 4 ते 5 लोकांनी दोघांना मारहाण केली. या मारहाणीत निलेश चव्हाण उर्फ निल्या मच्छली याचा मृत्यू झाला आहे. त्यामुळे निलेश यांचा खून झाल्याची घटना उघडकीस आली आहे.
तर निलेश यांचा मित्र भरत फडतरे हा गंभीर जखमी झाला असून त्यास बारामती येथे उपचारासाठी दाखल करण्यात आले आहे. संशयिताची माहिती पोलिसांना मिळालेली असून गुरूवारी सकाळपर्यंत या प्रकरणी गुन्हा दाखल झालेला नव्हता. फलटण शहर पोलीस ठाण्यात गुन्हा दाखल करण्यासाठी माहिती घेण्याचे काम चालू असल्याचे फलटण शहर पोलीसांनी सांगितले आहे.