IPLच्या घोषणेनंतर धोनीचा कसून सराव; बॉलिंग मशीनच्या सहाय्याने नेट प्रॅक्टीस

रांची । महेंद्रसिंग धोनीच्या चाहत्यांसाठी मोठी बातमी आहे. IPL 2020 घोषणेनंतर धोनीने पॅड चढवत आणि हातात बॅट घेत नेट मध्ये कसून सरावाला सुरुवात केली आहे. गेल्या वर्षभरापासून धोनी क्रिकेटच्या मैदानापासून दूर आहे. त्यामुळं एकीकडे क्रिकेटप्रेमी आयपीएलची वाट पाहत आहेत, तर दुसरीकडे चाहते भारतीय क्रिकेट संघाचा माजी कर्णधार महेंद्रसिंग धोनीला मैदनावर खेळताना पाहण्यासाठी आतुर झाले आहेत. आयपीएलचा हा हंगाम १९ सप्टेंबरपासून युएईमध्ये सुरू होणार आहे, जिथे पहिला सामना चेन्नई सुपर किंग्ज आणि मुंबई इंडियन्स यांच्यात खेळला जाण्याची शक्यता आहे.

मीडिया रिपोर्टनुसार सीएसकेचा कर्णधार महेंद्रसिंग धोनीने झारखंड राज्य क्रिकेट असोसिएशनमध्ये इनडोअर सराव सुरू केला आहे. तथापि, कोरोना काळामुळे जेएससीएमध्ये गोलंदाजांची कमतरता आहे, म्हणूनच माहीला गोलंदाजीच्या मशीनद्वारे सराव करावा लागला. त्याचबरोबर धोनी नेट प्रॅक्टीस करत असल्याने उत्सूकता आणखी ताणली गेली आहे.

चेन्नई सुपर किंग्ज संघाचा डावा फलंदाज सुरेश रैना अलीकडेच म्हणाला होता की, चाहत्यांना माही हेलिकॉप्टरच्या शॉट्सची झलक लवकरच मिळू शकेल. याआधी, 29 मार्च 2020 रोजी आयपीएलचा सीझन सुरू होणार होता, तेव्हा देखील महेंद्रसिंग धोनीने चेन्नईच्या चेन्नई सुपर किंग्जच्या कॅम्पमध्ये खूप सराव केला होता. नेटमध्ये धोनीची फलंदाजी पाहताना चाहत्यांमध्ये प्रचंड उत्साह दिसत होता.

गेल्या वर्षी 10 जुलैला धोनी खेळला होता अखेरचा आंतरराष्ट्रीय क्रिकेट सामना
गेल्या वर्षी इंग्लंडमध्ये झालेल्या आयसीसी क्रिकेट विश्वचषक २०१९ मध्ये महेंद्रसिंग धोनीने 10 जुलै रोजी न्यूझीलंड विरुद्ध सेमीफायनल सामना खेळला होता. हा सामना माहीचा अखेरचा आंतरराष्ट्रीय क्रिकेट सामना होता, त्यानंतर धोनी कोणत्याही राष्ट्रीय किंवा आंतरराष्ट्रीय सामन्यात खेळताना दिसला नाही. आयपीएल -13 मध्ये माही सुमारे दीड वर्षांच्या प्रदीर्घ प्रतीक्षेनंतर क्रिकेटच्या मैदानावर परतताना दिसणार आहे. महेंद्रसिंग धोनीच्या नेतृत्वात चेन्नई सुपर किंग्जचा संघ 3 वेळा आयपीएलचे विजेतेपद जिंकण्यात यशस्वी झाला आहे. 20 ऑगस्टनंतर सीएसके टीम युएईला रवाना होईल.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”

Get real time updates directly on you device, subscribe now.

You might also like
x Close

Like Us On Facebook

WP2Social Auto Publish Powered By : XYZScripts.com