कोलकात्या विरुद्धच्या सामन्यात रोहित शर्माने केला ‘हा’ मोठा विक्रम

हॅलो महाराष्ट्र ऑनलाइन | गतविजेत्या मुंबई इंडियन्सने कोलकाता नाईट रायडर्सवर 49 धावांनी मात करत आयपीएलच्या तेराव्या हंगामातील आपला पहिला विजय साजरा केला. या सामन्यात मुंबईचा कर्णधार रोहित शर्मानं 6 षटकारांसह 80 धावांची जबरदस्त खेळी केली. रोहितनं आयपीएल कारकीर्दीत 200 षटकार ठोकण्याचा पराक्रम गाजवला. आयपीएलमध्ये अशी कामगिरी करणारा तो आजवरचा चौथा फलंदाज ठरला. याआधी ख्रिस गेल, एबी डिव्हिलियर्स आणि महेंद्रसिंग धोनीनं आयपीएलमध्ये 200 पेक्षा जास्त षटकार ठोकले आहेत.

सर्वाधिक षटकार ठोकण्याच्या यादीत अव्वल क्रमांकावर क्रमांक लागतो तो ख्रिस गेलचा. गेलने 326 षटकार लगावले आहेत. त्यानंतर एबी डिव्हिलियर्स 214 षटकारांसह दुसऱ्या क्रमांकावर तर एमएस धोनी 212 षटकारांसह तिसऱ्या क्रमांकावर आहे. आता रोहित शर्मा 201 षटकारांसह चौथ्या स्थानी आहे.

कोलकाता विरुद्ध रोहित शर्मा पुन्हा एकदा त्याच्या आक्रमक मूड मध्ये दिसला.रोहितने 6 षटकारांसह 80 धावांची जबरदस्त खेळी केली. रोहितच्या खेळीने मुंबईला मोठी धावसंख्या उभारण्यात मदत झाली.तसेच आयपीएल मधील पहिला विजय मिळवून मुंबईने आपली घोडदौड सुरू केली आहे.

ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला whatsapp करा आणि लिहा ‘hello news’

Get real time updates directly on you device, subscribe now.

You might also like
x Close

Like Us On Facebook

WP2Social Auto Publish Powered By : XYZScripts.com