कार्तिक ऐवजी ‘या’ विश्वविजेत्या कर्णधाराकडे कोलकात्याचं नेतृत्व सोपवा ; भारतीय खेळाडूची मागणी

हॅलो महाराष्ट्र ऑनलाइन | गेल्या २ वर्षांपासून यष्टीरक्षक फलंदाज दिनेश कार्तिक हा आयपीएलमध्ये कोलकाता नाईट रायडर्स संघाचे नेतृत्त्व करत आहे. पण अद्यापही तो यशस्वी नेतृत्व करू शकला नाही.दमदार खेळाडू संघात असूनही कोलकात्याला चांगली कामगिरी करता आली नाही. अशात आता दिनेशच्या नेतृत्त्वपदाविषयी मोठे विधान पुढे आले आहे. दिनेशच्या ऐवजी ऑयन मॉर्गनला कोलकाता संघाचा कर्णधार बनवण्यात यावे, असे विधान भारतीय क्रिकेटपटू एस श्रीसंतने केले आहे.

आपल्या अधिकृत ट्विटर अकाउंटवर ट्विट करत श्रीसंत म्हणाला की, “कोलकाता संघाचे नेतृत्त्व दिनेशने नाही तर विश्वविजेत्या इंग्लंड संघाचा कर्णधार मॉर्गनने करायला पाहिजे. आशा आहे की, कोलकाता संघ माझ्या या मुद्द्याचा विचार करेल. त्यांना रोहित शर्मा, एमएस धोनी आणि विराट कोहलीसारख्या संघांपुढे आघाडी मिळवायची असेल, तर तशी क्षमता असणाऱ्या व्यक्तीवर संघाचे नेतृत्त्व सोपवावे लागणार आहे.”

इंग्लंडचा ऑयन मॉर्गन एक जबरदस्त कर्णधार असून 2019 विश्वचषक स्पर्धेत त्याने इंग्लंडच नेतृत्व करताना प्रथमच संघाला विश्वचषक करंडक जिंकवून दिला होता.

ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला whatsapp करा आणि लिहा ‘Hello News’

Get real time updates directly on you device, subscribe now.

You might also like
x Close

Like Us On Facebook

WP2Social Auto Publish Powered By : XYZScripts.com