नवी दिल्ली । प्रत्येक माणसाच्या आयुष्यात अनेक आव्हाने येतात. काही लोकं त्यापुढे गुडघे टेकतात, तर काही लोकं त्या आव्हानांना धैर्याने सामोरे जातात. अशाच एका मुलीने तिच्या आयुष्यातील अडचणींना तोंड दिले आणि आज तिने आपले आधीचे आयुष्य सोडून नवीन जीवनाकडे यशस्वी वाटचाल सुरु केली आहे. Maeve Moon नावाची मुलगी सेक्स वर्कर म्हणून काम करायची, पण एक वेळ अशी आली की, तिने तिचे आयुष्य बदलण्याचा निर्णय घेतला आणि आज ती इतरांना जागरूक करते.

जेव्हा Maeve 4 वर्षांची होती, तेव्हा एका तरुणीने तिचे लैंगिक शोषण (Sexual Abuse) केले. त्या घटनेनंतर, Maeve ला असे वाटू लागले की, तिचे शरीर फक्त संभोगाची एक वस्तू आहे ज्याद्वारे ती पैसे कमावू शकते. इंग्लंडमधील बर्नली येथील रहिवासी Maeve जेव्हा 16 वर्षांची झाली, तेव्हा ती सोशल मीडियाच्या माध्यमातून एका वयाने मोठ्या असलेल्या व्यक्तीला भेटली, ज्याने तिला डेटच्या बहाण्याने ड्रग्स देऊन फसवले आणि तिच्यावर बलात्कार केला. लैंगिक अत्याचाराच्या या दोन घटनांनी स्वतःबद्दल Maeve चा दृष्टिकोन बदलला. तिला असे वाटू लागले की, देह विक्री करणे ‘हा’ पैसा कमावण्याचा योग्य मार्ग आहे. त्यानंतर ती सेक्स वर्कर म्हणून काम करू लागली.

वयाच्या 18 व्या वर्षी, अशी एक वेळ आली होती कि, जेव्हा ती दिवसाला 88 हजार रुपयांपर्यंत कमाई करायची. पूर्वी ती शुगर बेबी (Sugar Baby) सारखे काम करायची, ज्यामध्ये ती वयोवृद्ध पुरुषांना तिच्या प्रेमाच्या जाळ्यात अडकवत असे आणि नंतर सेक्सच्या बदल्यात त्यांच्याकडून पैसे घेत असे. हळूहळू तिला वाटू लागले की, शुगर बेबीसारखे वागताना तिला रिलेशनशिपपणे अडकावे लागते, म्हणून तिने एस्कॉर्ट (Escort) म्हणून काम करायला सुरुवात केली. गेल्या काही वर्षांत तिने इंग्लंडमधील अनेक वेश्यागृहांमध्ये (Brothel) काम केले आणि भरपूर पैसे कमावले. त्यातच तिला चरस आणि गांजाच्या नशेचे व्यसनही लागले. लेन्स लाईव्ह वेबसाइटशी बोलताना ती म्हणाली- “माझे ग्राहक टिंडरद्वारे मला भेटायला येत असत. त्यांनी मला फक्त वीड जरी दिले तरीही मी त्यांना काहीही करू देत असे. ”

Maeve ला बऱ्याच काळापासून सेक्स इंडस्ट्री सोडायची होती. पण ती त्यामध्ये वाईटरित्या अडकली होती. तिला ड्रग्जचे व्यसनही लागले होते आणि शिवाय लंडनमध्ये तिचा जो फ्लॅट होता त्याचे भाडेही द्यावे लागत होते. 2019 मध्ये तिने आपले आयुष्य बदलण्याचा निर्णय घेतला. तिला वाटले की,’असे कधीही होऊ शकत नाही की, ती तिच्या गरजेनुसार पैसे कमवू शकेल.’ यानंतर ती काही दिवस सुट्टीसाठी गेली जिथे तिला समजले की, आता तिचे आयुष्य बदलण्याची वेळ आली आहे. आता Maeve मुलींना समजावून सांगते की,’पैसे काढून टाकले तर तुम्ही सेक्स वर्कर म्हणून काम कराल का?’ ती म्हणते की,” केवळ पैशांचा आधार घेणे चुकीचे आहे. आता एक इंस्ट्रक्टर म्हणून, ती अशा लोकांना मदत करते ज्यांनी लैंगिक अत्याचार आणि आघात (Trauma) सहन केले आहेत. Maeve ला आता वैज्ञानिक व्हायचे आहे आणि इतरांना बरे होण्यास मदत करायची आहे.