हॅलो महाराष्ट्र ऑनलाइन | आयपीएल लिलाव प्रक्रियेच्या दुसऱ्या दिवशी इंग्लंडचा आक्रमक अष्टपैलू खेळाडू लियम लिविंगस्टोनने सर्वांचे लक्ष वेधून घेतले. लिविंगस्टोनला पंजाब किंग्ज ने तब्बल 11.50 कोटींना खरेदी केल.त्याच्या संघातील समावेशाने पंजाबचा संघ अजून मजबूत झाला आहे.
लियम लिविंगस्टोनला संघात घेण्यासाठी कोलकाता नाईट रायडर्स, किंग्स पंजाब, गुजरात टायटन आणि संरायझर्स हैदराबाद मध्ये जोरदार चुरस लागली होती. अखेर या लढाईत पंजाबने बाजी मारत तब्बल 11.50 कोटी रुपये मोजून लियम लिविंगस्टोनला आपल्या संघात घेतले.
कोण आहे लियाम लिव्हिंगस्टोन
लियाम लिव्हिंगस्टोन हा इंग्लंडचा धाकड अष्टपैलू खेळाडू असून जगभरातील क्रिकेट स्पर्धेत त्याने आपली छाप पाडली आहे. त्याने आत्तापर्यंत ट्वेंटी-20 त 164 सामन्यांत 4095 धावा केल्या आहेत आणि त्यात 2 शतकं व 23अर्धशतकांचा समावेश आहे. त्याच्या नावावर 67 विकेट्सही आहेत. आयपीएलमध्ये 9 सामन्यांत 113 धावा केल्या आहेत.