Petrol-Diesel Rate: ​​पेट्रोल 100 रुपयांच्या पुढे जाणार का? ‘हे’ एक मोठे कारण आहे

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

नवी दिल्ली । पेट्रोल आणि डिझेलच्या वाढत्या किंमतींमुळे सामान्य लोकं नाराज आहेत. इंधनाचे वाढते दर रस्त्यापासून ते संसदेपर्यंत चर्चेत आहेत. एक्जाइज ड्यूटी कमी करण्यासाठी सरकारवर दबाव आहे. लोकांचा एकच प्रश्न आहे, इंधनाचे दर कधी कमी होणार? येत्या काळात पेट्रोल आणि डिझेलच्या किंमतींमध्ये आणखी वाढ होऊ शकते. वस्तुतः आंतरराष्ट्रीय बाजारात कच्च्या तेलाच्या किंमती ब्रेंट क्रूडमध्ये सातत्याने वाढ होत आहे. सौदी अरेबियाच्या मालकीची उर्जा कंपनी अरामकोच्या सुविधांवर क्षेपणास्त्र हल्ला झाल्यानंतर ब्रेंट क्रूड ऑईल (Brent crude oil ) ची किंमत दोन टक्क्यांहून जास्त झाली आहे. त्याचवेळी ब्लॅक गोल्डचे दर प्रति बॅरल 2.11 टक्क्यांनी वाढून 70.82 डॉलरवर गेले आहेत. मे 2019 नंतर ते सर्वोच्च स्तरावर आहे.

20 महिन्यांतील सर्वात महाग कच्चे तेल
सोमवारी ब्रेंट क्रूडने 70 डॉलर प्रति बॅरलचा आकडा पार केला आहे. तेलाचे दर 20 महिन्यांच्या उच्चांकी पातळीवर आहेत. गेल्या गुरुवारी ओपेक प्लस देशांमधील बैठकीत कच्च्या तेलाचे उत्पादन वाढविण्याच्या प्रस्तावाला मान्यता देण्यात आली नव्हती. यानंतर चार दिवसांत कच्च्या तेलाच्या किंमतीत 6 डॉलरची वाढ झाली आहे. तज्ज्ञांच्या म्हणण्यानुसार त्याचा परिणाम भारतावरही होऊ शकतो. पेट्रोल आणि डिझेलच्या दरांमध्ये आज सलग 9 व्या दिवशी वाढ झाली नाही. किंमती स्थिर आहेत.

क्रूड तेल महाग होऊ शकते!
उत्पादनावर लागू असलेल्या नियंत्रणाखाली ओपेक प्लसने भारताच्या विनंतीकडे दुर्लक्ष केल्यानंतर कच्च्या तेलाचे दर आंतरराष्ट्रीय बाजारात दोन वर्षांच्या उच्चांकी पातळीवर पोहोचले आहेत. अशा परिस्थितीत जर क्रूड उत्पादक देशांनी उत्पादन वाढविले नाही तर क्रूड तेलाच्या किंमतीत आणखी वाढ होऊ शकते. अशा परिस्थितीत पेट्रोल आणि डिझेल अधिक महाग होऊ शकतात. याची किंमतदेखील 100 च्या पुढे जाऊ शकते, कारण देशाच्या अनेक भागात पेट्रोल आधीच 100 च्या वर पोहोचले आहे. यावेळी, दोन्ही इंधनाचे दर जवळजवळ प्रत्येक शहरात ऑल टाइम हाय (All Time High) वर पोहोचले आहेत.

गेल्या वर्षी तेल उत्पादकांचे नुकसान झाले
मागील एक वर्ष हे क्रूड उत्पादक देशांसाठी आव्हानात्मक होते. त्यांना इतिहासातील सर्वात मोठा आउटपुट कपात करण्याचा निर्णय घ्यावा लागला, कारण जागतिक लॉकडाऊननंतर जगभरात इंधनाची मागणी घटून विक्रमी पातळीवर गेली. पण, गेल्या काही महिन्यांत या देशांनाही फायदा झाला. विशेषत: जेव्हा कच्च्या तेलाची किंमत पुन्हा एकदा प्रति बॅरल 60 डॉलर वर पोहोचली.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.

Leave a Comment