PM Kisan : शेतकऱ्यांना आतापर्यंत मिळाले 1.82 लाख कोटी, ‘या’ आठवड्यात येऊ शकेल 11 वा हप्ता

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

नवी दिल्ली । प्रधानमंत्री किसान सन्मान निधी योजनेअंतर्गत 11व्या हप्त्याची वाट पाहणाऱ्या शेतकऱ्यांसाठी मोठी बातमी आहे. सरकारकडून जवळपास सर्व तयारी पूर्ण झाली असून या आठवड्यापासून खात्यात पैसे येऊ लागतील.

या प्रकरणाशी संबंधित एका अधिकाऱ्याने सांगितले की,” सध्या शेतकऱ्यांच्या पडताळणीचे काम सुरू असून अनेक जिल्ह्यांमध्ये कृषी विभाग 14 एप्रिलपर्यंत डेटा लॉक करणार आहे. ज्या शेतकऱ्यांची सर्व कागदपत्रे आणि ई-केवायसी पूर्ण होतील, त्यांच्या खात्यात 15 एप्रिलपासून रक्कम पाठवणे सुरू होईल. अधिकाऱ्याच्या म्हणण्यानुसार, सर्व काही सुरळीत राहिल्यास या आठवड्याच्या अखेरीस या योजनेतील 11व्या हप्त्याचे पैसे अनेक शेतकऱ्यांच्या खात्यात पोहोचतील.

पंतप्रधान मोदींनी ‘ही’ माहिती दिली
एक दिवसापूर्वी पंतप्रधान नरेंद्र मोदी यांनी किसान सन्मान योजनेबाबत एक मोठा अपडेट दिला आहे. त्यांनी ट्विट केले की, या योजनेअंतर्गत देशभरात सुमारे 12.53 कोटी शेतकऱ्यांची नोंदणी झाली असून आतापर्यंत 11.30 कोटी शेतकऱ्यांच्या खात्यावर 1.82 लाख कोटी रुपये पाठवण्यात आले आहेत. 2018 मध्ये सुरू झालेल्या या योजनेअंतर्गत प्रत्येक शेतकऱ्याला वार्षिक 6 हजार रुपये कॅश दिले जातात.

11 व्या हप्त्याची प्रक्रिया शेवटच्या टप्प्यात, अपात्रांची वर्गवारी सुरू आहे
या प्रकरणाशी संबंधित अधिकाऱ्याचे म्हणणे आहे की,” 11व्या हप्त्याचे पैसे शेतकऱ्यांच्या खात्यावर पाठवण्याची प्रक्रिया शेवटच्या टप्प्यात आहे. शेतकऱ्यांनी दिलेल्या कागदपत्रांच्या पडताळणीचे काम सुरू आहे. ज्या शेतकऱ्यांची कागदपत्रे दर्जेदार नाहीत किंवा मरण पावलेल्या शेतकऱ्यांची नावे शॉर्टलिस्ट करण्यात येत आहेत. टॅक्सच्या कक्षेत येणाऱ्या शेतकऱ्यांनाही त्याचा लाभ मिळणार नाही.”

शेतकऱ्यांच्या स्‍टेटस वर आता वेटिंग दिसून येत आहे
या योजनेच्या पोर्टलवर शेतकऱ्यांनी त्यांचे स्‍टेटस तपासण्यास सुरुवात केली आहे. तुम्हीही स्टेटस पाहण्यासाठी वेबसाइटवर गेलात आणि Waiting for approval by state लिहिलेले दिसून येत असेल, तर समजा राज्य सरकारने अद्याप मंजुरी दिलेली नाही. राज्य सरकारकडून कागदपत्रांची पडताळणी पूर्ण होताच, ते त्याची मंजुरी केंद्राकडे पाठवेल आणि पैसे ट्रान्सफर होण्यास सुरू होईल.

Leave a Comment