त्रिंबके हॉस्पिटलकडे जाणारी वाट अडविल्याने सहा जणांवर पोलिसांत गुन्हा

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

कराड प्रतिनिधी | सकलेन मुलाणी

चार चाकी वाहन आडवे लावून रुग्णालयाकडे जाणारी वाट अडवली. याप्रकरणी शहर पोलीस ठाण्यात सहा जणांवर गुन्हा दाखल करण्यात आला आहे. बुधवार दि. 7 रोजी सकाळी आठ वाजण्याच्या सुमारास त्रिंबके हॉस्पिटल समोर हा प्रकार घडला. याबाबत डॉ. स्नेहल अनिल त्रिंबके यांनी शहर पोलीस ठाण्यात फिर्याद दिली आहे. त्यावरून शिवाजी रघुनाथ सूर्यवंशी, रोहिणी शिवाजी सूर्यवंशी, यश शिवाजी सूर्यवंशी, आदित्य शिवाजी सूर्यवंशी तसेच शिवाजी यांचा मेहुणा व मेहुणी (नाव, गाव माहित नाही) यांच्यावर गुन्हा दाखल करण्यात आला आहे.

याबाबत पोलिसांनी दिलेली माहिती अशी, शहरातील बुधवार पेठेत शिवाजी क्लॉथ मार्केट समोर असलेल्या त्रिंबके हॉस्पिटलच्या यशवंत बिल्डिंग समोर शिवाजी सूर्यवंशी याने त्याच्या ताब्यातील त्याच्या मालकीची चारचाकी गाडी हॉस्पिटलकडे जाणाऱ्या जिन्या जवळील मोकळ्या जागेमध्ये आडवी लावली. त्यामुळे हॉस्पिटलकडे येण्या-जाण्याच्या रस्त्यात अडथळा निर्माण करून संबंधितांनी दाराजवळ कोंडी केली होती.

तसेच संबंधित गाडी शेजारी वाटेत बसून रुग्णालयाकडे कोणालाही जाऊ देत नाहीत. हॉस्पिटलमध्ये ॲडमिट असलेल्या रूग्णांच्या नातेवाईकांनाही बाहेर येऊ देत नाहीत. याशिवाय रुग्णालयातील स्टाफला ही आत मध्ये येऊ देत नाहीत, असेही डॉ. स्नेहल त्रिंबके यांनी फिर्यादीत म्हटले आहे. यावरून सहा जणांवर गुन्हा दाखल करण्यात आला असून अधिक तपास पोलीस उपनिरीक्षक कांबळे करीत आहेत.

Leave a Comment