खळबळजनक ! पोलीस कर्मचाऱ्याची गळफास घेऊन आत्महत्या

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

रायगड : हॅलो महाराष्ट्र – अलिबाग शहरामध्ये एका पोलीस कर्मचाऱ्याने बुधवारी सकाळी आत्महत्या केल्याची धक्कादायक घटना घडली आहे. या मृत पोलीस कर्मचाऱ्याचे नाव प्रशांत जगजीवन ठाकूर आहे. त्याने अचानक केलेल्या सुसाईडमुळे संपूर्ण शहरात एकच खळबळ उडाली आहे. प्रशांत जगजीवन ठाकूर यांच्या पश्चात पत्नी, लहान मुलगा, आई, वडील असा परिवार आहे.

प्रशांत यांने अलिबाग-शिवाजी नगर येथील राहत्या घरी गळफास घेऊन आपली जीवनयात्रा संपवली आहे. सकाळी नियमीतपणे प्रशांत कामावर आला नाही. त्यामुळे त्याच्या सहकाऱ्यांनी त्याला माेबाईलवर संपर्क साधण्याचा प्रयत्न केला मात्र त्याने फोन उचलला नाही.

यानंतर त्याच्या सहकाऱ्यांनी प्रशांतचे घर गाठल्यानंतर त्याने गळफास घेऊन आत्महत्या केल्याचे निदर्शनास आले. यानंतर प्रशांतचा मृतदेह अलिबाग जिल्हा सरकारी रुग्णालयात शवविच्छेदनासाठी पाठवण्यात आला. अलिबाग पाेलिस या घटनेचा पुढील तपास करत आहेत.

Leave a Comment