पुणे | शिवसेना २०१९ च्या लोकसभा निवडणुका स्वबळावर लढवण्याच्या तयारीत आहे. मित्रपक्ष भाजपला जबर धक्का देण्याच्या पवित्र्यात असेलेल्या उद्धव ठाकरें यांनी त्यासंदर्भात पुण्यात गुप्त बैठकीचे आयोजन केले असल्याची समजत आहे. पुण्यातील कोरेगाव पार्कमधील पंचतारांकित हॉटेलमध्ये आज ही बैठक पार पडणार आहे.
बैठकीत मिलिंद नॉर्वेकर, विजय शिवतारे, नीलम गोऱ्हे, उदय सामंत, गजानन किर्तीकर, शिवाजीराव आढळराव पाटील तसेच सोलापूर, सांगली, सातारा, कोल्हापूर आदी जिल्ह्यातील प्रमुख पदाधिकाऱ्यांचा समावेश असणार आहे. पश्चिम महाराष्ट्रात पक्ष संघटना बळकट करण्यासाठी आणि आगामी निवडणूक स्वबळावर लिलया पेलण्यासाठी ही बैठक महत्वपूर्ण ठरणार असल्याचे बोलले जाते आहे.