तुम्ही आमचा अभिमान आहात पपा – जेनेलिया देशमुख 

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

हॅलो महाराष्ट्र ऑनलाईन । महाराष्ट्राचे माजी मुख्यमंत्री आणि काँग्रेसचे दिवंगत ज्येष्ठ नेते विलासराव देशमुख यांची आज ७५ वी जयंती आहे. ते आता शरीराने नसले तरी त्यांच्यावर प्रेम करणारी असंख्य समर्थकांच्या साठी ते आजही तितकेच महत्वाचे आहेत. त्यांचे समर्थक त्यांना विविध माध्यमातून अभिवादन करताना दिसून येत आहेत. या सोबतच त्यांचे कुटुंबीयही आज त्यांच्या आठवणीत रममाण झाल्याचे दिसते आहे. दिवंगत विलासराव देशमुख यांची सून आणि अभिनेता रितेश देशमुख यांची पत्नी जेनेलिया देशमुख यांनीही त्यांच्या इंस्टाग्राम च्या अकॉउंट वरून तुम्ही आमचा अभिमान आहात असे म्हणत विलासराव देशमुख यांच्या पुतळ्यासोबतचा एक फोटो शेअर केला आहे. सोबत आपल्या मुलाचा एक किस्साही सांगितलं आहे.

जेनेलिया आणि रितेश यांचा मुलगा रिआन याच्या शिक्षिकेने त्याला विचारले की, तुला सगळ्यात जास्त अभिमान वाटणारे असे काय आहे? त्यावर त्याने सांगितले, “माझे आजोबा” हा किस्सा शेअर करत जेनेलिया ने देशमुख यांना आदरांजली वाहिली आहे. त्याचबरोबर त्या भावनिक झाल्या आणि “तुम्ही आमचा अभिमान अहात पपा, आम्ही रोज तुम्ही आजूबाजूला असल्याच्या जाणिवेत असतो आणि आम्हाला माहित आहे, तुम्ही जिथे असाल तिथून आमच्याकडे बघत असाल.” असे त्यांनी त्यांच्या पोस्टमधून म्हंटले आहे. त्या म्हणतात, तुम्ही आमच्यातच आहात आणि आम्ही दरदिवशी तुम्हाला साजरे करत असतो.

 

दिवंगत विलासराव देशमुख यांची कौटुंबिक एकता आपल्याला अनेकदा दिसून आली आहे. त्यांचे कुटुंबावर असणारे प्रेमही बऱ्याचदा त्यांनी उघडपणे व्यक्त केले आहे. रितेश देशमुख व जेनेलिया यांचे नातेही तितकेच उघड आहे. जेनेलिया तिच्या सासरच्यांनी लाडकी असल्याचेही दिसून आले आहे. रितेश प्रमाणे त्या देखील आपल्या सासऱ्यांसोबत भावनिकरीत्या जोडल्या गेल्या होत्या हे त्यांच्या पोस्टवरून दिसून येते. आज कोरोनामुळे सर्वत्र सोशल मीडियाच्या माध्यमातून विलासराव देशमुख यांना अभिवादन केले जात आहे.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.

 

Leave a Comment