सातारा जिल्ह्याचे लोकप्रिय खासदार श्रीनिवास पाटील कोरोना पाॅझिटीव्ह

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

कराड | सातारा जिल्ह्याचे खासदार व राष्ट्रवादीचे नेते श्रीनिवास पाटील यांची कोरोना चाचणी पाॅझिटीव्ह आलेली आहे. खा. श्रीनिवास पाटील यांच्यावर मुंबई येथील रूग्णालयात उपचार सुरू असल्याचे कार्यालयातून सांगण्यात आले. तसेच त्यांची तब्बेत व्यवस्थित असल्याचे सांगण्यात आले.

खा. श्रीनिवास पाटील यांनी याबाबत लोकांना आवाहन केले आहे. ते म्हणाले, माझी कोरोना टेस्ट पॉझिटिव्ह आली आहे. डॉक्टरांच्या सल्ल्यानुसार योग्य ते उपचार सुरु असून कृपया काळजी करु नये. आपणास विनंती आहे की, गेली दोन तीन दिवसांत माझ्या संपर्कात आलेल्या सर्वांनी आपली तपासणी करुन घ्यावी. काळजी घ्या, सुरक्षित रहा.

खासदार पाटील यांच्या कार्यालयात दररोज लोकांची कामानिमित्त गर्दी असते. तसेच रोज विविध कार्यक्रमानिमित्त जनमानसात मिसळून सहभागी होत असतात. गेल्या चार दिवसात खा.पाटील यांनी सातारा, सांगली व कोल्हापूर जिल्ह्यातील विविध कार्यक्रमांना हजेरी लावली होती.

Leave a Comment