काश्मिरच्या ३ फोटोग्राफरना पुलित्झर अवाॅर्ड; जाणुन घ्या कारण

हॅलो महाराष्ट्र ऑनलाईन । काश्मिरातील कलम 370 काढून टाकल्यानंतर फीचर फोटोग्राफीसाठी असोसिएट प्रेसच्या तीन फोटोग्राफरना २०२० च्या पुलित्झर पुरस्काराने गौरविण्यात आले आहे. ऑगस्टमध्ये काश्मीरमधून कलम ३७० हटवल्यानंतर लॉकडाऊन आणि कर्फ्यू दरम्यान सर्व प्रकारच्या संभाषणाच्या सुविधा बंद केल्या गेल्या होत्या तेव्हा या तिघांनीही फोटोग्राफी केली.दार यासीन, मुख्तार खान आणि चन्नी आनंद अशी त्यांची नावे आहेत.काश्मीरची कहाणी जगासमोर दाखविणे फार कठीण असताना,या तिघांनीही आपला जीव धोक्यात घालून फोटोग्राफी केली.

या तिन्ही छायाचित्रकारांनी विरोध प्रदर्शन, पोलिस आणि निमलष्करी कारवाई आणि दैनंदिन जीवनात घडणाऱ्या घटना त्यांच्या कॅमेऱ्यात कैद करून घेतले आणि हे फोटो एजन्सीच्या दिल्ली कार्यालयात पाठविले.विमानतळावर दिल्लीकडे जाणाऱ्या प्रवाशांना मेमरी कार्ड घेऊन जाण्यास समजवावे लागले.या सर्व गोष्टींनी आम्हाला अधिक दृढ बनवले असे ते म्हणाले. यासीन आणि खान काश्मीरमधील सर्वात मोठे शहर असलेल्या श्रीनगर येथील आहेत तर आनंद हे शेजारच्या जम्मू जिल्ह्यातील आहेत.

In Pics | Three AP photojournalists from J&K win Pulitzer Prize ...

पुरस्कार मिळाल्याबद्दल आनंद झाला
एक पुलित्झर फीचर फोटोग्राफी पुरस्कार हा पत्रकारितेतला एक प्रतिष्ठित पुरस्कार आहे.आनंद म्हणाले, “ते एक्दम स्तब्धच झाले आणि त्यांना विश्वासही नव्हता की त्यांनी एपीबरोबर २० वर्षे काम केल्यावर हा पुरस्कार मिळाला.त्यांना त्यांचा आनंदही व्यक्त करता आला नाही. दार यासीन म्हणाले की ही फक्त त्या लोकांची कहाणी आहे. मी ज्या चित्रीकरणाची शूटिंग करत होतो ती माझी कथा नव्हती. मला पुरस्काराची घोषणा पहायला सांगण्यात आले, काय म्हणावे ते मला समजत नाही, हा पुरस्कार माझ्यासाठी एक मोठा सन्मानच आहे.”

Kashmiri Photographers Among List of Pulitzer Prize 2020 Winners ...

एपीचे अध्यक्ष गॅरी प्रित म्हणाले की, “या टीममुळे काश्मीरमधील एक दीर्घकाळ चाललेला संघर्ष पाहायला मिळाला. त्यांचे काम आश्चर्यकारक होते.” एपींनी ही परंपरा कायम ठेवली. यापूर्वीही, एपी फोटोग्राफर डीएयू नलिओ चेरी आणि रेबेका ब्लॅकवेल हे हैती येथील पोलिस आणि सरकारविरोधी निदर्शक यांच्यात झालेल्या हिंसक चकमकींचे चित्रीकरण करत होते. त्यावेळी ब्रेकिंग न्यूज फोटोग्राफी पुरस्कारासाठी हे लोक पुलित्झरचे फायनलिस्ट होते.या पुरस्काराने केवळ सन्मानच दिला नाही तर लोकांमध्ये उत्साह व उत्कटता देखील जागृत केली आहे तसेच सत्य हे जगासमोर ठेवण्याचे काम केले आहे.

Reuters, The Associated Press win Pulitzers for photography | CBC

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.

You might also like