नवी दिल्ली । रिझर्व्ह बँक ऑफ इंडियाने (RBI) दिवाण हाउसिंग फायनान्स लिमिटेड (DHFL) च्या हाऊसिंग फायनान्स कंपनीच्या डिपॉझिटचा दर्जा काढून टाकला आणि हाऊसिंग फायनान्स कंपनीला नॉन डिपॉझिट घेणारी घोषित केली. DHFL च्या दिवाळखोरी आणि पिरामल एंटरप्रायजेसच्या अधिग्रहणानंतर RBI ने हे पाऊल उचलले असून DHFL ला कॅश डिपॉझिट्स करण्यास बंदी घातली आहे. रिझर्व्ह बँकेने त्यास नॉन-डिपॉझिट हाउसिंग फायनान्स कंपनी म्हणून वर्गीकृत केले आहे. नॅशनल कंपनी लॉ ट्रिब्युनल (NCLT), मुंबईच्या 7 जूनच्या आदेशात RBI ने या NBFC ला कॅश डिपॉझिट्स करण्यास बंदी घातल्याचे उघडकीस आले. NCLT मुंबईने पीरामल कॅपिटल अँड हाउसिंग फायनान्सची 35,250 कोटींची बोली मंजूर करुन DHFL च्या अधिग्रहणाचा मार्ग मोकळा केला.
त्याच्या NCD होल्डर्सना फक्त 1 रुपया मिळाला
पिरामल समूहाच्या रिझोल्यूशन प्लॅननुसार च्या लेनदारांना त्यांच्या मालमत्तेत 65% कपात करावी लागली आणि NCD होल्डर्सना फक्त 1 रुपया मिळाला ज्यांची DHFL कडे 45,000 कोटींपेक्षा जास्त थकबाकी होती. NCLT मुंबईच्या एचपी चतुर्वेदी आणि रवि कुमार दुराईसमी यांच्या खंडपीठाने 1486 पानांच्या आदेशानुसार DHFL आता डिपॉझिट्स न घेणारी NBFC कंपनी असेल. हा बदल फेब्रुवारी 2021 मध्ये झाला, जेव्हा RBI ने FSP च्या नियमांनुसार DHFL चा दर्जा घेत असलेली ठेव रद्द केली.
95,000 कोटी रुपयांपेक्षा जास्त कर्जामुळे कंपनी दिवाळखोरीत निघाली
DHFL ही पहिली फायनान्स कंपनी आहे जी दिवाळखोरीच्या काळात NCLT मध्ये गेली. RBI ने 20 नोव्हेंबर 2019 रोजी DHFL च्या संचालक मंडळाचे विघटन केले आणि सुब्रमण्य कुमार यांना कंपनीचा प्रशासक म्हणून नेमले. 21 बँक आणि हजारो ठेवीदारांकडून 95,000 कोटी रुपयांची कर्जे न भरल्यामुळे कंपनी दिवाळखोरीत निघाली.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा
Click Here to Join Our WhatsApp Group