राज्य सरकारकडून नवी नियमावली जारी; पहा कोणकोणत्या जिल्ह्यांना मिळाली सूट

हॅलो महाराष्ट्र ऑनलाइन | राज्यात काही दिवसांपासून कोरोना रुग्णसंख्या आटोक्यात आली असून त्याच पार्श्वभूमीवर सरकारने नवी नियमावली जाहीर केली आहे. एक फेब्रुवारीपासून नवीन नियमावली लागू होणार आहे. नव्या नियमावलीचा फायदा लसीकरण अधिक झालेल्या जिल्ह्यांना होणार आहे. मुंबई, पुणे, भंडारा,गोंदिया, चंद्रपूर, रायगड, सिंधुदुर्ग, रत्नागिरी, सातारा, सांगली. कोल्हापूर या जिल्ह्यांना सूट नव्या आदेशानं फायदा होणार आहे.

ज्या जिल्ह्यांमध्ये पहिल्या डोसचं 90 टक्के आणि दुसऱ्या डोस घेणाऱ्यांचं 70 टक्के लसीकरण झालंय याशिवाय 15 ते 18 वयोगटातील मुलांचं राज्य सरकारच्या निर्देशाप्रमाण लसीकरण झालं आहे, अशा जिल्ह्यांमधील कोरोना निर्बंध शिथील करण्यात आले आहेत

स्विमिंग पूल,वॉटर पार्क 50 टक्के क्षमतेनं सुरु

हॉटेल,थिएटर 50 टक्के क्षमतेनं सुरु राहणार

सलून, स्पा 50 टक्के क्षमतेनं सुरु

लग्नासाठी 200 जणांना परवानगी

अंत्ययात्रामध्ये उपस्थितीवर मर्यादा ठेवण्यात आल्या नाहीत. किती लोक उपस्थित राहू शकतात.

उपहारगृह, नाट्यगृह, चित्रपटगृह स्थानिक प्राधिकरणाने निर्धारित केलेल्या वेळेत ५० टक्के क्षमतेने.

सर्व कार्यक्रमांना 50 टक्के क्षमतेनं परवानगी

सर्व पर्यटनस्थळे नियमीत वेळेवर सुरु होतील. ऑनलाईन तिकिट खरेदी करावे लागेल. तसेच पर्यटनस्थळावर फिरायला जाणाऱ्याचे लसीकरण झालेलं असावे.

स्थानिक प्रशासनाच्या वेळेनुसार बीचेस, गार्डन, पार्क खुली होणार

वॉटर पार्क, स्विमिंग पूल 50 टक्के उपस्थितीत सुरू होणार

भजन आणि सांस्कृतिक कार्यक्रम 50 टक्के उपस्थितीत हॉलमध्ये घेता येणार