jnu

अर्थशास्त्रज्ञ अभिजित बॅनर्जी यांना अर्थशास्त्रातील नोबेल पुरस्कार सोमवारीच जाहीर झाला. या पुरस्कारानंतर आता समोर येते आहे ती त्यांच्या तुरुंगवारीची चर्चा. अभिजित बॅनर्जी हे जवाहरलाल नेहरु विद्यापीठाचे अर्थात जेएनयुचे विद्यार्थी होते. विद्यार्थी दशेत असताना त्यांना १० दिवस तिहार तुरुंगात रहावे लागले होते. जेएनयूचे त्यावेळचे अध्यक्ष एन. आर. मोहांती यांना विद्यापीठातून निलंबित करण्यात आले. मोहंती यांच्यावर करण्यात आलेल्या कारवाईचा निषेध म्हणून शेकडो विद्यार्थ्यांनी आंदोलन पुकारले. या विद्यार्थ्यांवर अटकेची कारवाई करण्यात आली. या विद्यार्थ्यांमध्ये अभिजित बॅनर्जी यांचाही सहभाग होता. त्यामुळे त्या काळात त्यांना १० दिवस तुरुंगात रहावे लागले होते.