मुंबई-आग्रा मार्गावर भीषण अपघात! दोघांचा जागीच मृत्यू

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

धुळे : हॅलो महाराष्ट्र – मुंबई -आग्रा महामार्गावर कंटेनर आणि केमिकल वाहतूक करणाऱ्या टॅँकरमध्ये भीषण अपघात झाला आहे. हाडाखेड – पलासनेर गावाच्या परिसारामध्ये हा भीषण अपघात घडला आहे. या अपघातानंतर टँकरला आग लागून त्यामध्ये ट्रक ड्रायव्हर आणि क्लीनरचा जळून मृत्यू झाला आहे. या अपघातातील कंटेनरमध्ये काही ट्रॅक्टर होते. ट्रॅक्टरच्या टायरने पेट घेतल्यामुळे आग मोठ्या प्रमाणात भडकली. या आगीमुळे संबंधित टॅंकरने देखील पेट घेतला, या आगीमध्ये दोन जणांचा मृत्यू झाला तर वाहने संपूर्ण जळून खाक झाली आहेत. या रसायन वाहतूक करणाऱ्या टँकरमधून उग्र वास येत असल्याने परिसरात भीतीचे वातावरण निर्माण झाले आहे. या अपघाताची माहिती मिळताच स्थानिक लोकांनी घटनास्थळी धाव घेतली आणि आग विझवण्यास सुरुवात केली आहे. मात्र हि आग मोठ्या प्रमाणात असल्याने आग विझवण्यात अडचण येत आहे.

दोघांचा मृत्यू
सविस्तर माहिती अशी कि, इंदूरकडून मुंबईकडे रसायनाची वाहतूक करणाऱ्या टँकर आणि कंटेनरची समोरासमोर धडक झाली. पळासनेर परिसरामध्ये हा भीषण अपघात घडला आहे. हा अपघात इतका भीषण होता की, यामध्ये टँकरचा चुराडा झाला तसेच टँकर मोठ्या प्रमाणात आगदेखील लागली. या आगीमध्ये टँकरच्या चालकाचा आणि क्लिनरचा जळून मृत्यू झाला आहे. या अपघातामध्ये मृत्यू पावलेल्यांची नावे अजून समजू शकली नाहीत.

स्थानिकांमध्ये भीतीचे वातावरण
स्थानिक नागरिकांकडून सध्या आगीवर नियंत्रण मिळवण्याचे काम सुरू आहे. हा टँकर केमिकल वाहतूक करणारा असल्यामुळे आग लागल्यानंतर टँकरमधून उग्र वास येत होता. त्यामुळे लोकांमध्ये मोठ्या प्रमाणात भीतीचे वातावरण निर्माण झाले आहे. या अपघातात दोघांचा मृत्यू तर वाहनांचे मोठ्या प्रमाणात नुकसान झाले आहे.

Leave a Comment