सांगली प्रतिनिधी । प्रथमेश गोंधळे
रशिया आणि युक्रेन युद्ध सुरु आहे. या युद्धाची झळ युक्रेनमध्ये वैद्यकीय शिक्षणासाठी गेलेल्या विद्यार्थ्यांना बसला आहे. युद्धजन्य परिस्थितीत प्रचंड तणावाचे वातावरण असताना देशाची चिंता वाढली असताना सांगली जिल्ह्यातील दहा विद्यार्थी युक्रेनमध्ये अडकले असल्याची जिल्हा प्रशासनाच्यावतीने देण्यात आली. काही विद्यार्थ्यांना सुरक्षित युक्रेनमधून सुरक्षित ठिकाणी स्थलांतर केले असल्याचे समजते. मात्र या विद्यार्थ्यांचे पालक चिंतेत आहेत.
विद्यार्थ्यांना परत आणण्यासाठी केंद्र आणि राज्य सरकारकडून युद्धपातळीवर प्रयत्न सुरु आहेत. चार विमाने पाठविण्यात येणार असल्याने युक्रेनमधील विद्यार्थी लवकरच परततील, अशी शक्यता व्यक्त होत आहे. रशियाकडून युक्रेनमधील महत्वाच्या शहरांवर हल्ले करण्यात येत आहेत. या युद्धजन्य परिस्थितीत प्रचंड तणावाचे वातावरण असताना, भारताची चिंता वाढली आहे. शिक्षणासाठी युक्रेनमध्ये गेलेले शेकडो विद्यार्थी तिथे अडकले आहेत. यामध्ये सांगली जिल्ह्यातील दहा विद्यार्थ्यांचा समावेश आहे.
या विद्यार्थ्यांनी भारत सरकारकडे मदत मागितली आहे. तर त्याची सर्व माहिती जिल्हा नियंत्रण विभागामार्फत सरकारकडे पाठविण्यात आली आहे. जिल्ह्यातील पार्थिव विजय सुतार युनिर्व्हसिटी इन कार्कीव, अभिषेक प्रकाश पाटील लीईव्ह युनिर्व्हसिटी, प्रथमेश सुनिल हंकारे लिव्हीव्ह, तोहिद बशीर मुल्ला, विशाल सुभाष मोरे, आदित्य अर्जुन पुसावळे, स्नेहल नवनाथ सावंत, संध्या रामचंद्रा, कोमल तानाजी लवटे लिनिव्हो फान्सिस्क, यश मनोज पाटील बुकोव्हीन युनिर्व्हसिटी याठिकाणी असलेले विद्यार्थी युक्रेनमध्ये अडकले आहेत.