रस्त्यावर राहणाऱ्या मुलांना उपाशी झोपू देत नाहीत ‘ही’ महिला उद्योजिका, त्यांच्या विषयी जाणून घ्या

नवी दिल्ली । मुंबईतील सीमा सिंग (Seema Singh Social Entrepreneur) हा अनोळखी चेहरा नाही. विशेषतः रस्त्यावर राहणाऱ्या गरीब निराधार लोकांसाठी, ज्यांना कधी कधी एक वेळची भाकरही मिळत नाही. अशा काळात सीमा त्या गरजू लोकांसाठी देवदूतापेक्षा कमी नाही. रस्त्यावर कोणीही उपाशी झोपू नये हे त्यांचे ब्रीदवाक्य आहे.

अल्केम फार्माच्या संचालक मंडळाच्या सदस्या असलेल्या सीमा सिंह या भारतातील गरीबांना मदत करणाऱ्या आघाडीच्या Social Entrepreneur आहेत. मुंबईस्थित सीमा सिंह मेघाश्रे या NGO च्या संस्थापिका आहेत. त्या म्हणतात की, तिसरी लाट दार ठोठावत आहे. अशा परिस्थितीत सुरक्षित राहणे आणि इतरांना सुरक्षित ठेवणे हे आपले कर्तव्य आहे.” त्या लोकांना विनंतात करते की,आपले हात पूर्णपणे धुवा आणि मास्क घाला. आपल्या मुलांना सुरक्षित ठेवा, कारण तिसरी लाट मुलांसाठी सर्वात मोठा धोका आहे.

ड्रायव्हरच्या मुलाच्या शिक्षणासाठी मदत करतात
त्यांनी कोविड काळात मुंबईतील गरीब आणि निराधार लोकांना मदत केली आहे. त्यांचे म्हणणे आहे की,” समाजसेवेचे हे काम त्यांच्या घरातूनच सुरू झाले.” त्यांनी त्यांच्या ड्रायव्हरच्या मुलाच्या शिक्षणासाठी आर्थिक मदत केली होती. त्यानंतर त्या समाजसेवेच्या क्षेत्रात उतरल्या. त्यांची NGO गरीब मुलांना चांगले शिक्षण देते तसेच भुकेल्यांना अन्न पुरवते. याशिवाय, त्यांनी काही खाद्य, रोपं आणि चादरी देण्याच्या कॅम्पेनिंग देखील चालवल्या आहेत. त्या महिला सक्षमीकरणावरही विचार करत आहेत. त्यांनी काहींना स्वतःचा छोटा युनिट व्यवसाय उभारण्यास देखील मदत केली आहे.