योगी आदित्यनाथांना बॉम्बने उडवून देण्याची धमकी; उत्तरप्रदेशात खळबळ

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

हॅलो महाराष्ट्र ऑनलाइन | उत्तरप्रदेश विधानसभा निवडकीत राजकीय वातावरण तापलं असतानाच मुख्यमंत्री योगी आदित्यनाथ आणि भाजप नेत्यांना बॉम्ब ने उडवण्याची धमकी मिळाली आहे. यानंतर उत्तर प्रदेश मध्ये मोठी खळबळ उडाली असून पोलीस यंत्रणा कसून चौकशी करत आहे

लेडी डॉन या ट्विटर हँडलवरुन बॉम्बने उडवण्याची धमकी दिली आहे. ओवेसी तर फक्त मोहरा आहे. खरे लक्ष्य योगी आदित्यनाथ आहेत. भाजपा नेत्यांच्या सर्व वाहनांवर आरडीएक्स हल्ला केला जाईल. बॉम्बस्फोटात सर्वांचा जीव जाईल,” असे या ट्विटमध्ये लिहिले आहे.

तसेच उत्तर प्रदेश विधानसभा, लखनऊ रेल्वे स्टेशन, गोरखपूर मठ बॉम्बने उडवून देण्याची धमकीही या ट्विटमध्ये देण्यात आली आहे. तर दुसऱ्या ट्विटमध्ये असे म्हटलं आहे की, गोरखपुर मंदिराच्या मठात आठ जागांमध्ये सुलेमान भाईने बॉम्ब लावला आहे. तसेच मेरठमध्ये बॉम्ब लावला असल्याची धमकी ट्विटमधून दिली आहे. या ट्विटनंतर पोलिसांनी वाहनांची कसून तपासणी सुरू केली.

Leave a Comment