Google सह 9 मोठ्या कंपन्यांना मागे टाकत TikTok बनली सर्वात लोकप्रिय वेबसाइट

नवी दिल्ली । शॉर्ट व्हिडिओ प्लॅटफॉर्म Tiktok ने 2021 मध्ये सर्वाधिक लोकप्रिय डोमेनच्या बाबतीत Google ला मागे टाकले आहे. वेब सिक्युरिटी कंपनी Cloudflare ने एका वर्षाच्या डेटा अ‍ॅनालिसिस नंतर एक लिस्ट तयार केली आहे. त्यानुसार Google सह जगातील 9 मोठ्या कंपन्या TikTok च्या मागे आहेत. 2020 मध्ये फेसबुक नंतर Google हे सर्वात लोकप्रिय डोमेन होते, तर TikTok या कालावधीत 7 व्या क्रमांकावर होते.

गेल्या वर्षी भारतात TikTok सह अनेक चिनी अ‍ॅप्सवर सुरक्षेचे कारण देत बंदी घालण्यात आली होती. सरकारच्या बंदीनंतर Google ने TikTok सह सर्व बंदी असलेले अ‍ॅप प्ले स्टोअरवरून हटवले आहेत. Apple स्टोअरवरही हे अ‍ॅप उपलब्ध नाही. तरीही भारतातील बरीच लोकं हे अ‍ॅप एक्सेस करु शकत आहेत.

अनेक मोठ्या कंपन्या मागे पडल्या
Cloudflare च्या रिपोर्ट्सनुसार, 17 फेब्रुवारी 2021 रोजी TikTok एका दिवसासाठी टॉपवर आले. त्याचप्रमाणे, मार्च आणि मे मध्ये, TikTok आणखी काही दिवस काही दिवस टॉपवर राहिले, मात्र 10 ऑगस्ट 2021 नंतर, TikTok आणखी वाढला. यादरम्यान, असे काही दिवस होते जेव्हा Google पहिल्या क्रमांकावर राहिले. ऑक्‍टोबर आणि नोव्‍हेंबरमध्‍ये बहुतांश दिवस TikTok टॉपवर राहिले. या दिवसांमध्ये थँक्सगिव्हिंग (25 नोव्हेंबर) आणि ब्लॅक फ्रायडे (26 नोव्हेंबर) सारखे दिवस देखील समाविष्ट होते. 2021 मध्ये Google च्या खाली असलेल्या वेबसाइट्समध्ये अनुक्रमे Facebook, Microsoft, Apple आणि ई-कॉमर्स वेबसाइट Amazon यांचा समावेश आहे.

Whatsapp 10 व्या क्रमांकावर पोहोचले
सर्वाधिक लोकप्रिय इन्स्टंट मेसेजिंग सर्व्हिस अ‍ॅप असलेले Whatsapp या लिस्टमध्ये 10 व्या क्रमांकावर पोहोचले आहे, तर ट्विटर 9 व्या क्रमांकावर आहे. त्याच वेळी, OTT प्लॅटफॉर्म Netflix आणि व्हिडिओ शेअरिंग अ‍ॅप Youtube या लिस्टमध्ये 7 आणि 8 व्या क्रमांकावर आहे.

अमेरिकेसह अनेक मोठ्या देशांमध्ये TikTok सुरू आहे
कोरोनामुळे लॉकडाऊनमध्ये भारतात बंदी घातलेला TikTok पहिल्यांदा सर्वाधिक लोकप्रिय झाला. या काळात त्याचे 1 अब्ज मंथली ऍक्टिव्ह युझर्स होते. अमेरिका, युरोप, ब्राझील आणि आग्नेय आशियाई देश अजूनही या लघु व्हिडिओ अ‍ॅपसाठी सर्वात मोठी बाजारपेठ आहेत. TikTok ची मालकी चीनच्या ByteDance कंपनीकडे आहे. TikTok ने या वर्षाच्या सुरुवातीला सिंगापूर-आधारित ByteDance चे CFO शौजी च्यू यांची कंपनीचे नवीन मुख्य कार्यकारी अधिकारी म्हणून नियुक्ती केली.

You might also like