सोन्या-चांदीच्या दरात झाली घसरण, आजचे नवीन दर जाणून घ्या

हॅलो महाराष्ट्र ऑनलाईन । जागतिक बाजारपेठेतील तेजी यामुळे देशांतर्गत बाजारात सोन्याची किंमत पुन्हा विक्रमी पातळीवर पोहोचली आहे. बुधवारी दिल्लीच्या सोन्याच्या स्पॉट रेटमध्ये 10 ग्रॅम सोन्याची किंमत 32 रुपयांनी महाग झाली. त्याचबरोबर, एक किलो चांदीच्या किंमतीत 124 रुपयांनी वाढ झाली आहे. तज्ज्ञांचे असे म्हणणे आहे की, अमेरिका आणि चीनमधील वाढत्या तणावामुळे सोन्यातील सुरक्षित गुंतवणूक पुन्हा वाढली आहे. म्हणूनच त्याच्या किंमतीत मोठी वाढ झाली आहे. मात्र, येत्या काही दिवसांत नफा बुकिंगवर प्रभुत्व मिळू शकेल.

सोन्याच्या नवीन किंमती
एचडीएफसी सिक्युरिटीजच्या म्हणण्यानुसार, बुधवारी दिल्ली सराफा बाजारात 99.9 टक्के शुद्धतेसह 10 ग्रॅम सोन्याची किंमत ही प्रति दहा ग्रॅम 49,986 रुपये वरुन 50,018 रुपये झाली आहे. या काळात प्रति दहा ग्रॅम सोन्याच्या किंमती या 32  रुपयांनी वाढलेल्या आहेत.

चांदीच्या नवीन किंमती
चांदीच्या किंमतींमध्येही सतत वाढ दिसून येत आहे. चांदीच्या दरात 124 रुपयांची वाढ झाली, त्यानंतर आता नवीन किंमत53,934  रुपयांवर पोहोचली आहे. याआधी चांदीचा भाव हा 53,810 रुपयांवर बंद झाला होता.

सोन्याचे भाव का वाढले
एचडीएफसी सिक्युरिटीचे कमोडिटी अ‍ॅनालिस्ट तपन पटेल म्हणतात की,अमेरिका आणि चीनमधील वाढत्या तणावामुळे आंतरराष्ट्रीय स्तरावर सोन्याच्या किंमती वाढल्या आहेत. याचा देखील परिणाम भारतीय बाजारावर दिसून आला आहे. आयबीजेए (इंडिया बुलियन अँड ज्वेलर्स असोसिएशन लि.) याबाबत म्हणते की सध्या सोन्याचे दर हे प्रति 10 ग्रॅम जवळपास 50,000 रुपयांवर आहे. जर कोरोना विषाणू लवकरच नियंत्रित झाला नाही तर 2020 च्या अखेरीस सोन्याच्या किंमती प्रति 10 ग्रॅम 55000 रुपयांपर्यंत जाऊ शकतात.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.