नवी दिल्ली । टोकियो ऑलिम्पिक सुरू होण्यास अजून एक आठवडा बाकी आहे. सर्व खेळाडू संपूर्ण तयारीसह खेळांच्या या महाकुंभमेळ्यात प्रवेश करतील. सर्व खेळाडूंचे लक्ष हे पदकाकडे असेल. खेळ कोणताही असो, जेव्हा कोणी सुवर्ण, रौप्य किंवा कांस्यपदक जिंकतो तेव्हा केवळ खेळाडूचा आनंदच नव्हे तर तो ज्या देशाचे प्रतिनिधित्व करतो त्या देशाचा देखील आनंद असतो. तुम्ही पाहिलेच असेल की जेव्हा एखादा खेळाडू सुवर्णपदक जिंकतो तेव्हा तो त्याला दाताने (Why Athlete bite on medal) चावतो. पुरुष असो की महिला, पण असे फोटो नक्कीच पाहिले जातात जेव्हा खेळाडू दाताने पदक धरतो.
कधी पोडियमवर आनंदाचे अश्रू पाहिले जातात तर कधी ते पदक कुणाला तरी समर्पित केले जाते, परंतु बहुतेक वेळा असे दिसून येते की, खेळाडू त्याच्या दातांमध्ये सुवर्णपदक घेऊन उभा आहे. यामागील कारण खूप मनोरंजक आहे. तसे पाहायला गेले तर सोने हे इतर धातूंपेक्षा किंचित मऊ आणि जास्त लवचिक असते. हे पदक खरे सोन्याचे आहे की नाही हे ठरवण्याचा खेळाडूंचा मार्ग असल्याचेही म्हटले जाऊ शकते. जर ते अस्सल असेल तर त्या पदकावर तुमच्या दाताच्या खुणा दिसतील. बहुतेक पदकविजेते हे पदकाचे प्रतीक म्हणून करतात. पोहण्यापासून ते ज्युडो, जिम्नॅस्टपर्यंत प्रत्येकजण पोडियमवर असे फोटो क्लिक करताना दिसू शकतो.
यामागील आणखी एक कारण असे आहे की, ते फोटोग्राफरच्या सांगण्यावरूनही केले जाते. ते याकडे प्रतिष्ठित शॉट म्हणून पाहतात. वास्तविक, यापूर्वी सुवर्ण पदक फक्त सोन्याचा मुलामा दिलेले नसून शुद्ध सोन्याचे असायचे. सोने हा एक मऊ धातू आहे जो शुद्ध असेल तर दाताने चावले असता ते चवले जाते. मात्र, नंतर हळूहळू या पदकातील सोन्याचे प्रमाण कमी होऊ लागले. यावर, काही लोकं असेही मानतात की, सोन्याची शुद्धता शोधण्यासाठी फार जोराने चावण्याची गरज नसते.
आता याचे महत्त्व फक्त प्रतीकात्मक आहे. बर्‍याच एथलिट्सनी हे कबूल केले आहे की,पत्रकार आणि कॅमेरामॅनसुद्धा त्यांना पदक-कटिंगची पोझ देण्यास सांगतात. ही इतकी जुनी प्रथा होती की, बर्‍याच एथलिट्सला हे चावण्यामागील खरे कारणदेखील माहित नसते. जेव्हा ते इतरांना असे केलेले पाहतात किंवा पत्रकार किंवा कॅमेरामॅन त्यांना असे करण्यास सांगतात तेव्हाच ते करतात. एवढेच नव्हे तर काही एथलिट्सही दाताने कांस्यपदकही चावताना दिसतात. कांस्य म्हणजेच चांदी हा एक किंचित घन पदार्थ म्हणून मोजला जातो आणि ज्यावर चावण्याचा काही परिणाम होत नाही.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा