Wednesday, October 5, 2022

Buy now

रस्त्यात उभ्या ट्रॅक्टर ट्राॅलीला दुचाकीची धडक, युवक जागीच ठार

पुसेसावळी : – कडेगाव तालुक्यातील नेवरी जवळ उभ्या असणाऱ्या ट्रॅक्टर ट्राॅलीला मोटरसायकल चालकाने जोराची धडक दिली. या अपघातात खटाव तालुक्यातील मोटरसायकल स्वार ठार झाला असल्याची घटना घडली आहे.

याबाबत अधिक घटनास्थळी वरून मिळालेली माहिती अशी, विटा (ता.खानापूर) येथील सुळेवाडी पाटबंधारे विभागात कार्यरत असलेले वैभव गुरव (वय- 25, रा पुसेसावळी, ता. खटाव) हे त्याच्या मालकीच्या हिरो होंडा सीडी डॉन मोटरसायकल वरून आपले काम संपून घरी जात होते. दरम्यान, नेवरी (ता. कडेगाव) येथील एस टी थांबा जवळ उभ्या असणाऱ्या ट्रॅक्टर टॉलीला पाठीमागून जोराची धडक दिली.

दुचाकीची धडक इतकी जोराची होतो की गुरव याच्या डोक्याला मार लागला. त्यामुळे त्याच्या कानातून व तोंडून मोठ्या प्रमाणात रक्तस्त्राव झाला व त्याचा जागीच मृत्यू झाला. अपघातानंतर ट्रॅक्टर टॉलीने घटनास्थळावरून पलायन केले या अपघाताची नोंद कडेगाव पोलीस ठाण्यात झाली आहे.