Thursday, February 2, 2023

पश्चिम महाराष्ट्राला पावसाचा तडाखा; पुणे -बेंगलोर महामार्ग ठप्प

- Advertisement -

हॅलो महाराष्ट्र ऑनलाइन | सध्या पश्चिम महाराष्ट्र आणि कोकणात जोरदार पाऊस पडत असून अतिवृष्टी निर्माण झाली आहे. कोल्हापूर सातारा आणि सांगली येथे पूरस्थितीची शक्यता असून त्याच पार्श्वभूमीवर आता पुणे-बंगळुरू महामार्ग ठप्प झाला आहे.

पुणे -बंगलोर महामार्गावरील दूधगंगा वैनगंगा नद्यांची पातळी वाढली आहे याचं पार्श्वभूमीवर ही वाहतूक बंद करण्यात आली आहे. वाहतूक थांबवल्यामुळे वाहनांच्या लांबच लांब रांगा लागल्या आहेत. तब्बल 5 ते 6 किमी रांगा लागल्या आहेत. अनेक ट्रक वाहतूक गाड्या ठप्प झाल्या आहेत.

- Advertisement -

दरम्यान पंचगंगा नदीने देखील पातळी ओलांडली आहे. तसेच आज साताऱ्यातील कोयना धरणातुन विसर्ग चालू करण्यात आला आहे. याच पार्श्वभूमीवर पुणे-बंगळुरु हा पश्चिम महाराष्ट्रातील अतिशय महत्त्वाचा असलेला महामार्ग ठप्प झाला असून रस्त्यांवर वाहनांची गर्दी झाली आहे.