कराड | कराड तालुक्यातील सुपने गावच्या स्वाती मारुती शिंदे यांनी एका वाहिनीवरील कोण होणार करोडपती या कार्यक्रमात सहभागी होऊन 6 लाख 40 हजार रूपये बक्षीस जिंकले. स्वाती शिंदे या फार्मासिस्ट आहेत. सध्याच्या कोरोनाच्या महामारीत फार्मासिस्ट हे अत्यावश्यक सेवेत काम करत होते. मात्र त्याच पध्दतीने शासनाने फार्मासिस्ट यांना लसीकरणात प्राधान्य देण्याची गरज असल्याचे मत स्वाती शिंदे यांनी सांगितले.
कोण होणार करोडपती’ शो चाहत्यांच्या पसंतीस उतरला आहे. या शोत अनेक नामांकित दिग्गजांनी हजेरी लावत जिंकलेल्या रक्कमेतून सामाजिक कार्याला हातभार लावला आहे. ‘कोण होणार करोडपती’ या मंचावर कराडजवळील सुपनेच्या फार्मासिस्ट स्वाती शिंदे यांनीही प्रश्नांची उत्तरे देत रक्कम जिंकली आहे. या कार्यक्रमांचे संचालन सचिन खेडेकर करत आहेत.
या आठवड्यात स्वाती शिंदे हॉट सीटवर खेळायला होत्या. त्यांचे स्वतःचं औषधांचे दुकान आहे. त्यांनी फार्मासिस्ट स्वाती शिंदे यांनी कोव्हिड-19 परिस्थितीत आपलं कार्य कशा प्रकारे सुरू ठेवलं होतं हे सांगितले आहे. स्वाती यांनी 11 प्रश्नांची योग्य उत्तरे देत 6 लाख 40 हजार रूपये जिंकले तर 12 व्या प्रश्नांचे उत्तरांची खात्री नसल्याने त्यांनी खेळ सोडला. परंतु खेळ सोडल्यानंतर 12 व्या प्रश्नांचे उत्तर स्वाती शिंदे यांनी बरोबर दिले.