नवी दिल्ली । इन्कम टॅक्स डिपार्टमेंटने इन्कम टॅक्स रिटर्न भरण्यासाठी आवश्यक असलेला फॉर्म (ITR Form) अधिसूचित केला आहे. टॅक्स भरणाऱ्यांनी आता ITR दाखल करण्याची घाई करू नये, असे टॅक्स अँड इन्व्हेस्टमेंट एक्सपर्ट्सचे म्हणणे आहे. त्यांनी यासाठी 31 मे 2022 पर्यंत वाट पहावी आणि 2022-23 च्या मूल्यांकन वर्षासाठीचा ITR जूनमध्येच सबमिट करावा, असे त्यांचे म्हणणे आहे.
यामागील कारण म्हणजे TDS रिटर्न भरण्याची शेवटची तारीख 31 मे 2022 आहे. याशिवाय, कोणताही करदाता फॉर्म 26AS अपडेट करू शकणार नाही. TDS दाखल केल्याशिवाय, नियोक्ता त्याच्या कर्मचाऱ्याला फॉर्म 16A देऊ शकणार नाही ज्याचा TDS आर्थिक वर्ष 2022 च्या चौथ्या तिमाहीत कापला गेला आहे.
जूनपूर्वी ITR भरण्याचा फायदा नाही
31 मे पूर्वी मूल्यांकन वर्ष 2022-23 साठी ITR का दाखल करू नये ? याबाबत ऑप्टिमा मनी मॅनेजर्सचे एमडी आणि सीईओ पंकज मठपाल यांनी लाइव्ह मिंटला सांगितले कि, “TDS रिटर्न फाइल करण्याची शेवटची तारीख 31 मे 2022 आहे. त्यामुळे, प्राप्तिकरदात्याचा फॉर्म 26AS जून 2022 पूर्वी अपडेट केला जाऊ शकत नाही. त्यामुळे, पगारदार व्यक्तीला, ज्याचा TDS त्याच्या नियोक्त्याने कापला आहे, तो फॉर्म 16 जूनपूर्वी देता येणार नाही. त्याचप्रमाणे, सेल्फ एम्पलॉयड किंवा लहान व्यावसायिक ज्यांचा TDS व्यवसाय भागीदाराने कापला आहे ते देखील फॉर्म 26A अपडेट करू शकणार नाहीत. त्यामुळे जून 2022 पर्यंत थांबणे आणि फॉर्म 26A अपडेट झाल्यानंतरच ITR सबमिट करणे चांगले आहे.”
थोडी वाट पहा
TDS रिटर्न भरण्याच्या विहित तारखेपर्यंत फॉर्म 26AS अपडेट केला जाणार नाही. त्यामुळे आयकर भरणाऱ्यांनी आता ITR सबमिशनची वाट पहावी. ITR सबमिट करण्यापूर्वी, फॉर्म 26AS अपडेट झाला आहे की नाही हे तपासण्यासाठी त्यांनी इन्कम टॅक्सच्या वेबसाइटवर लॉग इन केले पाहिजे. 26AS अपडेट झाल्यानंतरच त्यांनी मूल्यांकन वर्ष 2022-23 साठी ITR भरावा अस टॅक्स अँड इन्व्हेस्टमेंट एक्सपर्ट जितेंद्र सोलंकी म्हणाले.
ज्या पगारदारांचे उत्पन्न अडीच लाख रुपयांपेक्षा कमी आहे, त्यांनीही जूनपर्यंत वाट पहावी, असे सोळंकी यांचे म्हणणे आहे. कारण असे होऊ शकते की त्यांच्या बँकेत जमा केलेल्या पैशांमुळे त्यांचा TDS आर्थिक वर्ष 2022 च्या चौथ्या तिमाहीत कापला जाऊ शकतो. त्यामुळे, मूल्यांकन वर्ष 2022-23 साठी ITR दाखल करण्याची घाई करू नये.”