Xtreme 125R : Hero MotoCorp ने आपली Xtreme 125R Hero World 2024 इव्हेंटमध्ये लॉन्च केली आहे. या गाडीचा लूक इतका जबरदस्त आहे की पाहताक्षणी तुम्ही या गाडीच्या प्रेमात पडाल. Hero Xtreme 125R ची किंमत 95,000 रुपये (एक्स-शोरूम, दिल्ली) पासून सुरू होते आणि मॉडेल 125 cc कम्युटर स्पेसच्या प्रीमियम सेगमेंटमध्ये स्पर्धा करेल. हे विशेषत: भारतीय बाजारपेठेत TVS Raider 125 शी स्पर्धा करेल.
डिझाईन
या गाडीच्या डिझाईन बद्दल सांगायचे झाल्यास Hero Xtreme 125R मध्ये अप्रतिम हेडलॅम्प अपफ्रंटसह रेझर शार्प स्टाइलिंग आहे, जे मोटरसायकलला एक विशिष्ट लूक देते. लो-स्लंग हेडलॅम्प समोर दोन्ही बाजूला LED टर्न इंडिकेटर आणि वर DRL दिसते. याला शार्प स्टाईलचा फ्युएल टॅंक दिलेला असून स्पोर्टी लूकसाठी स्प्लिट सीट्स आणि स्प्लिट ग्रॅब रेलने हे उत्तम प्रकारे पूरक आहे.
इंजिन
नवीन Hero Xtreme 125R मध्ये 125 cc सिंगल-सिलेंडर, एअर-कूल्ड इंजिन मिळते जे 8,250 rpm वर 11.39 bhp निर्मितीसाठी ट्यून केलेले आहे. हे इंजिन 5-स्पीड गिअरबॉक्ससह जोडलेले आहे. बाईकच्या पुढील बाजूस 37 मिमी टेलिस्कोपिक फॉर्क्स आणि मागील बाजूस शोवा द्वारे विकसित केलेला मोनोशॉक वापरला आहे. कंपनीच्या दाव्यानुसार 66 केएमपीएल पर्यंत मायलेज ही मोटरसायकल देते.
ब्रेकिंग ड्यूटी आणि स्पेसिफिकेशन
ब्रेकिंग परफॉर्मन्स एकाच फ्रंट डिस्कमधून येते आणि ड्रम ब्रेक किंवा मागील डिस्कची निवड, प्रकारावर अवलंबून असते. बाइकला स्टॅंडर्ड सिंगल-चॅनल ABS मिळते, तर ड्युअल-चॅनल ABS व्हेरिएंट 99,500 रुपये एक्स-शोरूमच्या किमतीत उपलब्ध आहे.
डिजिटल कन्सोलसह एक एलसीडी युनिट देखील आहे, जे बरीच माहिती स्टोअर करते. Xtreme 125R व्यतिरिक्त, Hero MotoCorp ने Hero World 2024 मध्ये Mavrick 440, Xoom 125R आणि Xoom 160 देखील लॉन्चह केलया आहेत.