‘एक चुम्मा’ गाण्यावर लग्नात डान्स करताना अचानक खाली कोसळला तरुण अन्…

बैतूल : वृत्तसंस्था – मध्य प्रदेशातील बैतूलमध्ये एक विचित्र घटना घडली आहे. यामध्ये एका नातेवाईकाच्या लग्नात डान्स करत असताना अचानक त्याचा मृत्यू झाला आहे. सुरुवातीला नातेवाईकांना वाटलं की हा तरुण मस्करी करत आहे. यानंतर लोकांनी त्याला उठवण्याचा प्रयत्न केला पण तो काही उठला नाही त्यामुळे लोक घाबरले आणि त्याला तातडीने रुग्णालयात दाखल करण्यात आले.

घटनेच्या वेळी लग्नाचे रिसेप्शन सुरू असताना सर्व नातेवाईक डान्स करीत होते. यानंतर हा तरुण स्टेजवर पोहोचला आणि ‘एक चुम्मा तो मुझको उधार दे दे’ या गाण्यावर डान्स करू लागला. तो खूप एन्जॉय करीत होता. यानंतर डान्स करत असताना अचानक नाचता नाचता खाली कोसळला. यावेळी सगळ्यांना वाटले कि तो नाटक करत आहे. यानंतर लोकांना संशय आल्याने लोकांनी त्याला जागे करण्याचा प्रयत्न केला मात्र तो काही जागा झाला नाही.

यानंतर या तरुणाला तातडीने रुग्णालयात दाखल करण्यात आले पण त्याअगोदरच त्याचा मृत्यू झाला होता. या तरुणाने यावेळी दारूसुद्धा प्यायली होती. या तरुणाचा मृत्यू हृदयविकाऱ्याच्या झटक्याने झाल्याचे डॉक्टरांकडून सांगण्यात आले. अचानक घडलेल्या या घटनेने विवाहाच्या घरात शोककळा पसरली. या घटनेचा व्हिडिओ सोशल मीडियावर मोठ्या प्रमाणात व्हायरल होत आहे.