Thane Grand Central Park : सुविधा भूखंड विकास प्रकल्पांतर्गत ठाणे महापालिकेचे कोलशेत येथील २० एकरांचे भव्य सेंट्रल पार्क गुरुवारी सर्वसामान्य ठाणेकरांसाठी उपलब्ध होणार आहे. त्याचे उद्घाटन मुख्यमंत्री एकनाथ शिंदे यांच्या हस्ते होणार आहे. उद्यानात जुन्या झाडांसह साडेतीन हजारांहून अधिक फुलझाडे लावण्यात आली आहेत. यातून दरवर्षी 8.84 लाख पौंड ऑक्सिजन तयार होईल, असा महापालिका प्रशासनाचा दावा आहे. शहराचा पर्यावरण संतुलन राखण्यासाठी याचा उपयोग होईल.
मुख्यमंत्री एकनाथ शिंदे यांच्या ग्रीन अँड क्लीन ठाणे (Thane Grand Central Park) या संकल्पनेतून उभारण्यात आलेल्या उद्यानात काश्मीरचे मुघल गार्डन, चायना थीम पार्क, मोरोक्कन थीम पार्क आणि जपानी पार्क ही प्रमुख आकर्षणे असतील. न्यूयॉर्कचे ग्रँड सेंट्रल पार्क आणि लंडनचे हायड पार्क या थीमवर आधारित, हे पर्यावरणपूरक जंगल फुलपाखरे आणि फुलांच्या वनस्पतींच्या अनेक प्रजातींचे घर असेल. उद्यानात लहान मुले आणि तरुणांसाठी सुविधा आहेत.
महापालिकेचे अतिरिक्त आयुक्त संदीप माळवी यांनी सोमवारी प्रसारमाध्यमांसह उद्यानाला भेट (Thane Grand Central Park) दिली. यावेळी स्थानिक लोकप्रतिनिधी संजय भोईर, उद्यान विभागाच्या उपायुक्त मिताली संचेती, वृक्ष प्राधिकरण अधिकारी केदार पाटील, जनसंपर्क अधिकारी रवींद्र मांजरेकर उपस्थित होते. येत्या ८ फेब्रुवारी रोजी मुख्यमंत्री एकनाथ शिंदे यांच्या हस्ते या पार्कचे लोकार्पण होणार असल्याचे पालिकेचे अतिरिक्त आयुक्त संदीप माळवी यांनी सांगितले.
पार्क सुविधा (Thane Grand Central Park)
- मुलांना खेळण्यासाठी खेळणी.
- ज्येष्ठ नागरिकांसाठी जॉगिंग ट्रॅक.
- तरुणांसाठी देशातील सर्वात मोठ्या स्केटिंग यार्डांपैकी एक.
- लॉन टेनिस, व्हॉलीबॉल कोर्ट, योग आणि ध्यान सुविधा.
- तलाव आणि एक मोठा खुला ॲम्फीथिएटर.
- चालताना भूक लागली तर कॅफेटेरियाही उपलब्ध आहे.
- शालेय सहली आणि पर्यावरण सहली देखील येथे आयोजित केल्या जाऊ शकतात.