हॅलो महाराष्ट्र ऑनलाईन। (Best Dams In Pune) कडाक्याच्या उन्हाळ्यानंतर आलेल्या पावसाच्या मुसळधार सरींमूळे पुणेकर सुखावले आहेत. गेल्या काही दिवसांपासून पुण्यात पावसाने धुवाँधार बॅटिंग केली आहे. त्यामुळे सर्वत्र थंड आणि आल्हाददायी वातावरण निर्माण झाले आहे. अशा वातावरणात निसर्गप्रेमी आणि ट्रेकर्स आवर्जून फिरायला जायचं प्लॅनिंग करू लागतात. जर तुम्हीही मान्सून एन्जॉय करण्यासाठी फिरायला जायचं प्लॅनिंग करताय तर मग ही बातमी तुमच्या फायद्याची आहे. कारण आज आम्ही पुण्यातील टॉप ५ सुंदर धरणांची माहिती देणार आहोत. जिथे पावसाळ्यात फिरायला जाणे तुमच्यासाठी अत्यंत आनंदायी ठरेल.
1. पानशेत धरण (Best Dams In Pune)
पुणे शहराच्या नैऋत्येस सुमारे ५० किलोमीटर अंतरावर असलेल्या मुठा नदीची उपनदी आंबी नदीवर पानशेत धरण आहे. हे एक अत्यंत सुंदर ठिकाण आहे. ज्याला ‘तानाजीसागर धरण’ म्हणून देखील ओळखतात. हे धारण त्याच्या नयनरम्य सौंदर्यासाठी ओळखले जाते. पावसाळ्यात इथला निसर्ग आणखीच सुंदर आणि आकर्षक ठरतो.
2. बेगडेवाडी धरण
पुण्यातील तळेगावमध्ये बेगडेवाडी धरण आहे. जे पावसाळ्यात पाहण्याजोगे अत्यंत सुंदर ठिकाण म्हणून ओळखले जाते. हे धरण त्याच्या शांततेसाठी ओळखले जाते. (Best Dams In Pune) शहरापासून जवळ असूनही या ठिकाणी एक निस्सीम शांतता अनुभवता येते. त्यामुळे आल्हाददायी अनुभवासोबत शांत निवांत वेळ घालवायचा असेल तर पर्यटकांनी येथे आवर्जून यावे.
3. खडकवासला धरण
महात्मा फुलेंनी बांधलेले हे खडकवासला धरण पुण्याजवळील सर्वात मोठ्या पिकनिक स्पॉट्सपैकी एक आहे. या धरणाला भेट देण्याची उत्तम वेळ म्हणजे पावसाळा. या मोसमात इथले वातावरण अतिशय सुंदर होते. (Best Dams In Pune) शुभ्र धुके आणि थंडगार वाऱ्यामुळे धरणाचा परिसर आल्हाददायी होतो. जो अनुभवण्यासाठी अनेक पर्यटक इथे आवर्जून येतात.
4. पवना धरण
पवना धरण हे पुणे जिल्ह्यात लोणावळ्यापासून केवळ २५ किलोमीटर अंतरावर आहे. हे महाराष्ट्रातील बलाढ्य पवना नदीच्या पलीकडे बांधलेले धारण आहे. (Best Dams In Pune) या धरणाच्या परिणामी, त्याला लागून एक कृत्रिम पवना तलाव देखील तयार झाला आहे. हे ठिकाण पावसाळ्यात नैसर्गिक सौंदर्याने असे काही बहरते की, पाहताना मन आनंदी होते.
5. कासारसाई धरण
कासारसाई धरण हे पुणे शहरात हिंजवडी आयटी पार्कच्या अगदी जवळ आहे. कासारसाई धरणाचा परिसर अत्यंत सुंदर असून पावसाळ्यात त्याचे सौंदर्य आणखीच खुलून येते. (Best Dams In Pune) या ठिकाणी भेट देण्यासाठी पावसाळा हा सर्वात बेस्ट ऋतू मानला जातो. या ठिकाणी सनसेट पहायला कायम पर्यटकांची गर्दी असते.